كيف تبعتوا وتستلموا التبرعات عبر Purpl

بمحاولة لتسهيل جهود الإغاثة، Purpl عم يسهلوا التبرعات ع لبنان بواسطة المحفظة الرقمية. هيدا دليل خطوة بخطوة ع كيف تستعملوا هالخدمة لتحويل المصاري سواءً كنتوا المرسل أو المستلم. 

إذا كنتوا المرسل

بدك تدعم المبادرات بلبنان يلي عم تجمع التبرعات بس مش عارف كيف؟ بالحقيقة الموضوع كتير بسيط. Purpl بيخليك تحوّل مصاري من أكتر من 46 بلد ع لبنان!

١. وصّل حسابك البنكي بالخارج بالتطبيق Paysend أو Remitly

٢. ابعت تبرعك لحساب Purpl تبع الشخص المستلم ع رقم تليفونو. الحوالة راح توصل فوراً!

المستلم فيه ياخد المصاري من أي صراف آلي تابع للبنك اللبناني الفرنسي من دون أي رسوم، أو عبر شركاء OMT مع 0.5% رسوم. والأحلى من هيك هوي إنو المستلم ما بيحتاج حساب بنكي ليعمل العملية. كل اللي بيلزمه هوي حساب على Purpl، لتكون العملية آمنة وما فيها أي صعوبة.

إذا كنتوا المستلم

أول شي بتحتاج تعملو هو إنشاء حساب على Purpl. هيك بتعملوها:

1. نزّل التطبيق المجاني من هون

2. أنشئ حساب و اكتب اسمك بنفس الطريقة المكتوبة على هويتك أو جواز سفرك

3. دخّل رقم تليفونك وإيميلك، وبعدها أكّد حسابك باستخدام رمز التحقق اللي ح يوصلك عبر رسالة نصية.

4. بتحقق أنك أنت على التطبيق عن طريق مسح وثيقة رسمية والتقاط سيلفي لتأكيد أن وجهك يتطابق

ما بتحتاجوا حساب بنكي لتقبضوا المصاري اللي بتوصلكم عبر Purpl. على التطبيق، فيكن تلاقوا أقرب صراف آلي لبنك Banque Libano-Française وتسحبوا المصاري بدون ولا أي عمولة سحب نقدي.

هيدا فيديو رح يشرحلكن كيف بتسحبوا المصاري:

على ضوء التصعيدات الأخيرة، فريق Purpl عم بيخلّي الأمور أسهل للمستخدمين عبر توفير السحب النقدي بكل فروع OMT. رح يتكلفوا بس 0.5% رسوم على السحب النقدي.

لدعم لبنان هالفترة الصعبة، اضغطوا هون.