أول ميني ماركت بلبنان عندن كل شي مع المقاطعة

جذبت حركة المقاطعة للمنتجات الأجنبية والعلامات التجارية الداعمة لإسرائيل إهتمام عالمي وتحديداً بالعالم العربي ولبنان، وهي طريقة للاحتجاج على العنف المستمر ودعم للقضية.  إذا مشاركين أو حابين تشاركوا بالمقاطعة، خلونا نقلكن عن ميني ماركت بتبيع كل شي مع المقاطعة وكتير من المنتجات المحلية اللبنانية. 

ميني ماركت أوهانا بتلاقوها بشارع كراكاس بالحمرا، بتبيع كل المنتجات الداعمة لحملة المقاطعة. 

ومتل أي ميني ماركت، بتلاقوا كل المشتريات اللي بتلي احتياجاتكن الأساسية من أكل وشرب، أدوات التنضيف والأدوات المنزلية، ألبان وأجبان، وغيرها. والحلو انو عندن كتير علامات تجارية لبنانية فيهك بتكونوا عم تدعموا كمان الصناعة اللبنانية. 

ومش بس هيك، عندن سندويشات لبنة وحلّوم ومرتديلا وقشقوان وحبش ودوبل كريم وكلو بخبز الباغيت، المرقوق، والخبز العربي. 

بتلاقوا ميني ماركت أوهانا تحديداً بشارع كراكاس بالحمرا بعد قلعة تشيكن. بيفتحوا من الساعة ٧ الصبح للساعة ١١ بالليل. وكمان عندن خدمة دليفري من الساعة ٩ الصبح للساعة ١١ بالليل. فيكن تتواصلوا معن على الرقم: 455 351 71. فيكن تابعوهن على الإنستغرام هون.

شوفوا كمان، مقاطعين دعماً لفلسطين؟ هيدي البدائل المحلية بلبنان