٥ محلات حلو بتعمل كنافة بالفستق

بتحبوا الكنافة مع فستق أو بلا فستق؟ أكتر طريقة للكنافة إنحبّت هالفترة، وللصراحة مين فينا مش غرامو الفستق الحلبي؟ خلونا نخبرك عن ٥ محلات حلو بتعمل كنافة بالفستق!

1. رفعت الحلاب، طرابلس

كنافة بتشهي مع عجينة الفستق وكلو بقلب كعكة طازة ريحتها روعة، ما تفوتوها أبداً عند رفعت الحلاب!

الرقم: 411 444 06 

2. كنف – بدارو، الضاحية، عرمون

بتميلوا عند كنف وبتلاقوا وحدة من أطيب الكنافة ببيروت. دوقوا الكنافة ناعمة مع عجينة باشوية (الفستق) مع قشطة بلدية!

الرقم: 558 231 71 

3. حلويات الداعوق – طريق الجديدة، الضاحية، صور 

الداعوق أول مين عمل مفروكة فستق بلبنان! واليوم فيكن تجربوها بقلب كعكة كنافة محشية عجينة فستق ومغرّقة بالقطر. 

طريق الجديدة: 203 300 01 – الضاحية، شارع معوّض: 182 919 78 – 182 919 70

صور، شارع أبو ديب: 771 519 71 

4. حلويات الحريري – طريق المطار 

حلويات الحريري صرلو ٥٠ سنة بالمصلحة، بيقدم جميع أنواع الحلو. إذا بتروحوا لعندو، ما تنسوا تحلّوا قلبكن بكنافة الداعوقية أو مفروكة الفستق مع القشطة اللي عندو.

الرقم: 866 731 76 

5. بس كنافة، طرابلس 

هالمحل متخصص بالكنافة، عندو ميني كنافة، كنافة ع شوكولا، وحتى الكنافة مع مفروكة الفستق!

الرقم: 075 457 70

خبرونا، أي محل كنافة بالفستق رح تجربوا؟

شوفوا كمان، أطيب ٨ أفران لتجربوا لحمة بعجين بلبنان