لقينالكن ٧ كافيهات حلوة بقلب الضيعة

أديه حلوة الطلعة ع الضيعة؟ تطلبوا فنجان قهوة مع الروقان والشوارع القديمة؟ خلونا نخبركن عن ٧ كافيهات حلوة بقلب الضيعة.  

1. قهوة السوق، بعقلين

عيشوا جو بعقلين الحلو من قلب هالكافية! قاعد بنص السوق القديم، جربوا القهوة أو قرعة متّة مع لعبة طاولة!

الرقم: 632 889 78 

2. جلسة العين، بيت شباب

ضيعة بيت شباب معروفة ببيوتها القديمة والتراثية، انتو وعم تتمشوا بشوارعها للضيعة، بتلاقوا كافيه جلسة عين، عندن قعدة قديمة مع فيو ع الضيعة. مننصحكن تجربوا عندن الصاج كتير طيب. 

الرقم: 790 157 79 

3. كافيه الأرز، بشري 

هالكافيه قاعد ع مدخل غابة أرز الرب، بالصيف وبالشتي عندن قعدة بتاخد العقل مع أكل طيب!

الرقم: 797 448 70 

4. كوب، دير القمر 

اطلعوا ع دير القمر، زوروا المعالم التاريخية الرائعة، وبطريقكن ميلوا ع كافيه كوب الجديد. عندن قهوة مميزة وكرواسون طازة!

5. كافيه أيروث، إهدن

هالكافيه صرلو من الستينات فاتح بضيعة إهدن. المميز إنو بتلاقوا عندن قعدة بنص ساحة إهدن الأثرية وكمان أطيب كاسة سحلب ممكن تجربوها!

6. بيت ست الكل، حمانا

الأكل الطيب، القعدة الحلوة، والأجواء الثقافية انجمعت عند بيت ست الكل بنص حمانا، ولما تخلصوا عملوا برمة ع الضيعة!

الرقم: 345 469 76

7. Bella Bean، دوما

كزدروا بسوق دوما لحد ما بتلاقوا كافيه بيلا بين، عندن مخبوزات بتشهي، حلويات مميزة، وقهوة بتروق الراس مع أحلى قعدة بالسوق. 

الرقم: 815 340 03

حبيتوا كافيهات الضيعة؟

شوفوا كمان، لقينالكن أحلى كافيهات بشارع الجميزة