قهوة 60 الشهيرة وصلت من صيدا ع بيروت

قهوة 60 الشهيرة وصلت ع بيروت! هالمكان اللي منعرفو ومنحبو بصيدا صار هلق بقلب الجميزة مع قعدة بتاخد العقل بتطل على بيوت الجميزة الأثرية وعمارة بيروت العريقة. كل زاوية بالمحل بتردنا لأيام البساطة والزمن الجميل، بتذكركن بضحكة البيوت القديمة وقصص الناس اللي عاشت فيها.

بتعرفوا إنو غنية الست فيروز “قهوة عالمفرق” كان فيها غلطة مطبعية؟ الغنية الأصلية كان لازم تكون “قهوة عالمرفأ”، ومنعرف إنو قصدها أكيد كان قهوة 60. من صيدا لبيروت، قهوة 60 كبرت وفرعا صاروا فرعين، ورجعتنا لورا 60 سنة، بس يا هيك الرجعة لورا يا بلا.

بكل زاوية من هالكافيه بتلاقوا قطع أثرية وعتيقة، ديكور بيفتح القلب، ومقاعد بنقشات قديمة متل اللي عند التيتا. وبهالمكان، كل شفة قهوة بتحمل حكاية من الزمن الماضي.

القعدة ما بتكمل إلا ع السطح، من الطابق السادس مع فيو بيطير العقل على بيوت القرميد ونافورة المي اللي بتخليكن تنسوا همومكن.

قهوة 60 مش بس قهوة ومش بس ذكريات، هني كمان محضرينلكن تشكيلة من الأكلات يلي بتليق بكل الأذواق. إذا كنتوا عم تدوروا على برغر، سندويشات بجبنة دايبة، سلطات فريش أو حتى أطباق لبنانية من التبولة والفتوش للحمص وما فينا ننسى الحلو، هالمكان بيقدم كل شي بقلب بيروت وبنفس الروح الأصيلة.

التوست الفرنسية شي بشهي عالآخر!

هيدا المكان هوي رجعة حقيقية لأيام اللولو، لحنين بيروت، ولذكريات بتحفر بالقلب.

العنوان: بيروت، الجميزة، شارع باستور، فوق بار نوفو، عراس السطح
الرقم: 000 196 79

شوفوا كمان، فريد: الجوهرة المخفية بقلب بيروت.