صار في عنا مول بعاليه! شوفو التفاصيل

شو هالخبرية الحلوة هيدي! مين كان يتوقع إنو يصير في مول بعاليه وبقلب الجبل؟ اليوم، Obeid Center فتح أبوابو بعاليه، وكل التوقعات بتقول إنه رح يكسر الدني.

هيدا مش بس أول مول بعاليه، أول مول بالجبل كمان!

المول الجديد توسع طبيعي لنجاح Obeid Center الأول بقبرشمون، يلي بلش كسوبرماركت ومركز تسوق بسيط، بسرعة صار وجهة التسوق الأولى لأهل المنطقة. واليوم، هالنجاح الكبير عم بيتوسع بموقع جديد بعاليه، ومش أي موقع، مول كامل مكمل!

المول مكون من تلات طوابق، وكل طابق في عالم خاص في. رح تلاقوا في قسم للتياب، سوبرماركت متكامل، قسم مخصص لألعاب الولاد، وقسم تاني للمطاعم والأدوات المنزلية ومحمصة. يعني باختصار، كل شي بتحتاجوا من تسوق وترفيه تحت سقف واحد.

وأكتر شي بيلفت النظر بهالمول هوي المطعم يلي رح تحبوا وتتعلقوا فيه عالآخر! إسمو Lurana’s Diner & Café، الأكل في ولا أطيب، الديكور مرتب، قعدات برا وجوا، والخدمة كتير مميزة. والأسعار؟ ولا أحلى من هيك، ومناسب لكل أفراد العيلة.

رغم كل الظروف الصعبة يلي عم نعيشها، بعد في ناس عم تستثمر بلبنان وعم تجيب هالأفكار الرائعة. فتح مول بهالمستوى بعاليه هوي دليل إنو بضل في أمل ورغبة بالحياة والابتكار بلبنان، حتى بأصعب الأوقات.

شوفوا كمان، مهرجان الزلقا: أكل، رقص وفرح وموسيقى (الدخول مجاني)