تعرفوا معنا على أجمل مطاعم عيون أرغش

عيون أرغش، هالمنطقة الجبلية الساحرة، قاعدة على ارتفاع 2000 متر على سفوح جبل المكمل، ومحاوطتها أعلى قمة بلبنان يلي هي القرنة السودا. بتقدروا توصلوا لهالواحة الطبيعية إما من البقاع أو من بشري بالشمال، وتغوصوا بجمال الطبيعة البرية والجرود. هالمنطقة بتتميز بواحاتها الخضرا الغنية ببرك المي والينابيع الغزيرة، والمي فيها نضيفة كتير لأنها جاية مباشرة من التلوج الدايبة.

بالصيفية، بتصير عيون أرغش متل الجنة، بمناظرها الخلابة والطقس الروعة. هون، رح نتعرف سوا على المطاعم اللي بتخلي زيارتكن لهالمنطقة تجربة ما بتنتسى.

١. بيادر عيون أرغش

القعدة عند هالمطعم شرقية بإمتياز. أكل لبناني أصيل، مازة ومشاوي، وجلسة مباشرة فوق النهر مع منظر على الجبال وجلسة بين الشجر. حتى الولاد عندن فسحة يلعبوا فيها وألعاب مسلية. قعدة تحت فيات القش مع موسيقى وأجواء رايقة، وأكل طيب كتير. ناطرينكن عند البيادر لتعيشوا تجربة أصيلة بطابع لبناني.

الرقم: 831 805 03

٢. الزين

لبنة بلدية، كبة نية، صحن وشنكليش وسمك السلمون وكاس عرق… ولا أروع من هيك طعمة. شو بدنا نخبركن عن القعدة بهالمطعم على المي دغري وتحت سما عيون أرغش مع هوايات حلوين ومنظر طبيعي من العمر. أجمل جلسة بعد الضهر بعد الغدا مع هالمناظر الطبيعية وصوت المي يلي بروق النفسية التعبانة، الولاد عندن ألعاب مسلية وفسحة واسعة.

الرقم: 919 699 03

٣. هوى العيون

هوى العيون هو المحل يلي بيعرف كيف يقدملكن تجربة بتجمع بين الراحة والطبيعة. قعدة تحت الشجر والهوا الطلق، والمأكولات البلدية الأصيلة، بتخليكن تحسوا إنكن ببيتكن بعيون أرغش. المشاوي اللبنانية الطيبة والنكهات البلدية بيخلوا التجربة ولا أروع. المكان واحة من الهدوء والضيافة.

الرقم: 694 545 70

٤. مطعم العيون

هيدا المطعم بيجمع بين الضيافة اللبنانية والطبيعة البقاعية. القعدة بالمطعم بتخليكن تحسوا إنكن عم تاكلوا بحديقة بيت لبناني بعيون أرغش. وعندن كمان شاليهات لتقضوا ليلة رايقة بعيد عن ضجة المدينة. الأكل بلدي والمشاوي طيبين كتير، ومنظر الجبال حوالين المطعم وصوت المي بيزيد من سحر التجربة.

الرقم: 945 548 71

شوفوا كمان، ١٣ مسبح مع فيو بطير العقل حول لبنان.