٥ بيوت ضيافة جبلية بقلب الضيعة

إذا كنتوا عم تفتشوا على ملاذ رايق بعيد عن وجع راس المدينة، وبتحبوا تعيشوا أجواء الضيعة اللبنانية الأصيلة، هالمقال معمولة خصيصًا إلكن. جمعنالكن ٥ من أحلى بيوت ضيافة جبلية بقلب الضيعة، وين بتتنفسوا هوا نضيف وبتعيشوا تجربة ما بتتكرر بين أحضان الطبيعة. من البيوت الحجر للبساتين الخضرا، هالأماكن مش بس بيوت، هني قصص بتحكي عن تراثنا وأيام زمان. يلا تعو معنا بهالجولة لتكتشفوا هالجنة المخباية.

١. بيت جدي، المتين

بيت جدي بالمتين مش بس بيت، هوي ذكرى من الماضي، ببيت جبلي بيشبه بيوت جدودنا. هالمكان بيجمع بين كافيه، بوتيك، ومكان تلاقي ثقافي، وبيعمل ورش عمل. بتلاقوا فيه قعدات قش، مراجيح، وقعدة ججر تراثية بتحسسكن كأنكن رجعتوا لزمن الطفولة.

الرقم: 603 296 04

٢. بيت جدي، القبيات

بقلب ضيعة خضرا وبجوار البركة، بيت جدي بالقبيات بياخدكن لعالم مختلف صراحة. بيت حجر من برا ومن جوا، بيرجعكن للزمن الجميل بأجواء ضيعة عتيقة وتراث لبناني أصيل. شو في أحلى من إنكن تفيقوا الصبح وتاكلوا ترويقة لبنانية بلدية مع فنجان قهوة ومونة ولقمة من حواضر البيت؟

الرقم: 732 015 03

٣. بيت صاليما، صاليما

القعدة بالجبل ببيت صاليما بتخليكن تحسوا إنكن بقلب الطبيعة الحقيقية. بيت حجر بإطلالة بتاخد العقل على الجبال والوديان، وبيسين بيفتح النفس كمان عالفيو. بتفيقوا ع بكير، وبتاكلوا ترويقة بلدية من قلب الطبيعة وكل برودة بتخليكن تعيشوا لحظات من العمر.

الرقم: 833 337 71

٤. بيت الضيعة، كور

بيت الضيعة بضيعة كور، قضاء البترون، إسم على مسمى. هالبيت جايي بين أحضان الطبيعة، مع بيسين بنص الحرش، محاوط بالشجر ومناظر جبلية بترد الروح. البيت من برا حجر قديم، ومن جوا موديرن وبذكركن بالزمن الجميل. قعدة البيرغولا مع الفيو، بتخليكن تحسوا إنو الحياة بهالبساطة والراحة.

الرقم: 788 031 81

٥. دار نور، شبطين

دار نور بشبطين، بيت حجر بنص الضيعة، بين شجر الزيتون والجبال الحلوة. قعدة جبلية بتعبي الروح وبتخليكن تحسوا بجمال الطبيعة اللبنانية الأصيلة، يلي متلها ما بتلاقوا.

الرقم: 818 733 03

شوفوا كمان، ١٣ شغلة فيكن تعملوها بضيعة رشميا.