١٣ مسبح مع فيو بطير العقل حول بلبنان

إذا عبالكن تهربوا من شوبات الصيفية وتعيشوا تجربة سباحة بفيو بيطير العقل، هيدا المقال إلكن. جمعنالكن 13 مسبح بلبنان بإطلالة ساحرة، من الجبال الخضرا للشطوط الزرقا، كل مكان هون جايبلكن يوم استجمام ما بيتنسى. إذا كنتوا مع العيلة أو الأصحاب أو حتى مع الحبيب، هالمسابح رح تكون وجهتكن المثالية لهالصيف.

١. Le Montagnou، كفردبيان

استمتعوا بيوم استجمام مع فيو جبال لبنان الرائعة عند Le Montagnou بكفردبيان. المسبح هون بيعطيكم تجربة سباحة فخمة وسط الطبيعة، مع إطلالة ساحرة على المناظر الطبيعية اللي ما بتتكرر.

الرقم: 441 341 03

٢. Amelia By The Cliff، فاريا

هو المكان المثالي للاستمتاع بسباحة مع إطلالة خيالية على الجبال. موقعو بقلب قصر وعلى حفة الوادي بيخلي كل لحظة هونيك بتاخد العقل.

الرقم: 426 666 76

٣. TerreBrune Hotel، فقرا كفردبيان

بيوفر بيسين روعة مع طلة على جبال لبنان الخضرا. هون، بتعيشوا لحظات من الراحة والاستجمام بعيد عن الضجة والعجقة وبوسط طبيعة خلابة.

الرقم: 301 030 03

٤. كانوبي، برمانا

إذا بدكن نهار مليان استرخاء بفيو مميز على الوادي، كانوبي ببرمانا هو المكان الأمثل. المسبح هون بوفر تجربة مميزة مع مشهد طبيعي ما بينتسى.

الرقم: 022 023 76

٥. The Chill Hill Experience، وطى الجوز

تشيل هيل بوطي الجوز هوي المحل المثالي للهروب من عجقة الحياة اليومية. بيسين مع طلة بانورامية على الجبال، بيخليكن تحسوا حالكن بعاد عن العالم وبنفس الوقت مبوردين عالآخر وقريبين من كل شي حلو.

الرقم: 458 775 76

٦. Cherry Blossom Boutique Hotel، بحمدون

أوتيل بيجمع بين الراحة والفخامة في، البسين عندو فيو ساحر على الطبيعة المحيطة، مع أجواء رايقة ومريحة.

الرقم: 770 129 71

٧. Rocca Island، الهري

عبارة عن مجموعة مسابح زغار حد بعض لكل مين عبالوا يعيش مغامرة غريبة شوي، بتنقوا تقعدوا بواحد من مسابح وبتتفرجوا على منظر البحر تحتكن والجبال قبالكن.

الرقم: 444 714 81

٨. Le Tournant Hotel Resort، إهدن

بيوفر مسبح بإطلالة روعة على الوادي يلي بيسحر القلب. هون، بتقدروا تستمتعوا بأجواء منعشة وسط طبيعة خلابة.

الرقم: 059 059 81

٩. Kobayat County Club، القبيات

هوي محلكن المفضل للهروب من الشوب والتمتع بمسبح بإطلالة ساحرة على الغابات المحيطة. تجربة استثنائية من الراحة والاسترخاء.

الرقم: 623 344 76

١٠. Mir Amin Palace Hotel، بيت الدين

هالقصر ببيت الدين هوي العنوان للرفاهية والتاريخ. المسبح هون بإطلالتو على المناظر الطبيعية المحيطة بيخليكن تعيشوا لحظات من الفخامة بفيو رايق وأثري.

الرقم: 924 900 03

١١. Château du Compte، درعون

بقدم مسبح بطلة روعة على التلال المحيطة، مع أجواء ملوكية وتجربة مميزة بوسط الطبيعة.

الرقم: 222 280 03

١٢. Grand Hills Hotel، برمانا

المكان بجنن للسباحة بقلب أوتيل فخم، المسبح مع فيو بيطير العقل على الوادي المحيط بيخليكن تعيشوا تجربة ما بتنتسى.

الرقم: 888 868 04

١٣. Country Lodge Club & Resort، بصاليم

المكان المثالي لتقضوا يوم مع العيلة، البيسين عندو فيو على الخضار والوديان هونيك والبرودات بجننوا بخلوكن تستمتعوا بكل لحظة.

الرقم: 880 142 70

شوفوا كمان، ٦ بيوت ضيافة جبلية مش سامعين فيهن.