جنينة حلوة بجزين فتحت جديد: بوفيه وموسيقى وأكل طيب

اليوم رح نعرفكن على جنينة جديدة وحلوة كتير بجزين ما صرلا زمان فاتحة وبيعملوا كل أحد بوفيه مفتوح.

هالمحل إسمو R Lounge، هالمطعم عندو قعدة برانية وحدو شجر وخضار وين ما كان، أول ما توصلوا على المطعم بيستقبلكن فريق العمل أحلى استقبال وبرافقوكن على طاولتكن.

هيدا المحل بيتميز بجمال قعدتو! يلي مش رايح على جزين بحياتو، رح يكتشف جمال المنطقة. بس توصلوا على R Lounge بتقطعوا فوق جسر تحتو مي وبتلاقوا الأكل الطيب ناطركن.

البوفيه بيتضمن مجموعة متنوعة من السلطات والمقابلات السخنة والباردة والمشاوي وكل الأكلات يلي بحبها قلبكن.

بعد ما تعبوا بطنكن فيكن تنبسطوا بالجو اللبناني الأصيل يلي عندن يا، دبكة موسيقى وفنانين ورقص وفقش وطبل!بيجو كمان كل جمعة كذا فنانين بيعملوا جو حلو وغناني.

فيكن تحجزوا هالمكان لمناسباتكن الحلوة لأن المحل كتير حلو لتاخدوا أجمل الصور. الولاد كمان رح يتسلوا لأن في فسحة ومحل ألعاب ليفلتوا ويتسلوا بعد الأكل ويخلوكن تروقوا أعصابكن.

العنوان: جزين
الرقم: 577 777 71

شوفوا كمان، سليم سور مير: لقمة سمك مع فيو وسبحة بالبحر.