سليم سور مر: لقمة سمك مع فيو وسبحة بالبحر

عبالكن أكلة سمك مع فيو على البحر؟ أكل بحري، موسيقى ونزلة على البحر؟ ما إلكن غير تجو على أنفه لعند سليم سور مير.

أول ما تفوتوا من الباب رح تحسوا حالكن سافرتوا على جزيرة باليونان، كل شي حواليكن أبيض وأزرق والمي تحتكن.

لمحبي أكل البحر، هون رح تلاقوا أكتر سمك طازة مع كل أنواع المأكولات البحرية لي ممكن تخطر عبالكن: سمكة حرة، قريدس، أخطبوت، سومو، سردين، تونة طازة، كراب وغيرها من المأكولات البحرية واللبنانيي المعمولة بأشهى الخلطات والصلصات بكملها صحن الفتوش مع بطاطا مقلية بيتوتية.

بتقضوا أحلى نهار مع الأصحاب مع جو لبناني ولعان أو بتجربوا أطيب عشا رومانسي مع الشريك على صوت البحر. بتلاقوا عندن مينو مشروب طيب بكملكن قعداتكن على الآخر.

بتخلصوا أكل وبتنزلوا بتعملوا سبحة بالبحر وبتبوردوا قلبكن شوي قد ما بدكن.

قعدة على البحر، هوا بحري، وأكل طيب، شو بدكن أكتر من هيك؟

العنوان: تحت الريح، أنفه
الرقم: 472 330 03

شوفوا كمان، ٧٠ مطعم جبلي لازم تزوروهن بلبنان.