٩ محلات فيكن تتغدوا فيهن بالطبيعة بقلب لبنان!

إذا عبالكن تتغدوا بقلب الطبيعة بلبنان، جمعنالكن ٩ محلات بتوفر تجربة فريدة وسط المناظر الحلوة. من البيوت العتيقة للمعاصر والمطاعم يلي بتقدم أطيب الأكلات، هالأماكن رح تكون الخيار المثالي لقعدة رايقة وغدا طيب. إذا كنتوا عم تدوروا على مطعم للعيلة أو مكان رومانسي للغدا، هالمحلات رح تسعدكن وتجربوا شي جديد مع أجواء ما بتنتسى.

١. غلوريا فتري، فتري

عبارة عن بيت عتيق عمرو فوق ال150 سنة، ملبس حجر كلو من جوا ومن برا وشبابيكو حمر متل الورد الجوري وعندو جنينة كتير كبيرة مليانة شجر وورد وياسمين، تحول من بيت لمعصرة نبيد وعرق وبيعمل بوفيه بالويك-أند للعيلة كلا.

الرقم: 005 135 71

٢. طاولة بكيش، بسكنتا

إذا كنتوا عم تنبشوا عن تجربة طعام بيتوتية أصيلة، طاولة بكيش المكان المناسب. بقدم أطباق لبنانية تقليدية معمولة من مكونات طازة محلية. القعدة بالهوا الطلق وسط الطبيعة الخلابة، بيعتمدوا الطبخ المفتوح، لتشوفوا طريقة الطبخ قدامكن وتدوقوا أطيب الأطباق.

الرقم: 301 767 81

٣. Villa V، برمانا

بقدم تجربة أكل مميزة بين شجر الصنوبر وبأجواء طبيعية خلابة. فيكن تستمتعوا بوجبتكن على التراس مع إطلالة بانورامية على المدينة. عم بحضر قائمة طعام مبتكرة بتجمع بين المذاقات اللبنانية والعالمية، المطعم مثالي لتناول وجبة غدا رومانسية أو عشا خاص.

الرقم: 424 449 70

٤. أرض، برمانا

مطعم أرض ببرمانا بقلب الطبيعة، وبقدم سفرة متنوعة بتتناسب مع جميع الأذواق، فيكن تستمتعوا بوجبتكن على التراس مع إطلالة خلابة على الجبال. عدا إنو القعدة بتجنن والأكل لذيذ، هوي خيار ممتاز ليلى عندن ولاد وبحبوا يجربوا محلات جديدة مع الولاد.

الرقم: 901 190 03

٥. Ixir Winery، البترون

إكسير منا مجرد معصرة نبيد، هيي وجهة سياحية ومطعم بقدم تجربة طعام فريدة من نوعها. فيكن تدوقوا أشهى الأطباق المعمولة من المكونات الطازة، مع الاستمتاع بأجواء الطبيعة الخلابة.

الرقم: 464 700 70

٦. بكرزاي، بعقلين

مطعم وأوتيل بيقدم بيوت ضيافة جبلية ساحرة. بتلاقوا الأكل البيتوتي الطيب، النفس الجبلي، والقعدة التراثية من فوق الشوف كلو! فيكن تستمتعوا بوجبتكن هون مع إطلالة خلابة على الجبل.

الرقم: 020 512 03

٧. بيت الجبل، دير القمر

بتلاقوا بيت الجبل بقلب دير القمر، وبقدم سفرة تقليدية لبنانية مع مناظر بتطول العمر. فيكن تستمتعوا بوجبتكن من جوا أو بقلب التراس والحديقة الخلابة.

الرقم: 767 160 71

٨. بيوت غلبون، غلبون

مطعم بيعمل بوفيهات غير شكل، وعندو قعدة تراس على غروب الشمس بتاخد العقل، كمان نشاطات مهضومة وإستكشافية بالطبيعة مناسبة لكل العيلة! يعني بتقضوا نهار بقلب الطبيعة وبتاكلوا لقمة طيبة حد البيسينات.

الرقم: 666 771 76

٩. Laklouk Villages Vacances، اللقلوق

هالأوتيل الساحر بيتميز بقعدة بقلب الطبيعة بمنطقة اللقلوق بجبيل وناطركن إنتو وعيلتكن على أجمل قعدة وأروق جو مع كاس نبيد ولقمة بيتوتية.

الرقم: 112 441 03

شوفوا كمان، ٤٧ محل فيكن تشوفوا منن مغيب الشمس بلبنان.