أطيب كعكة بترونية من هيدا المحل!

عبالكن تدوقوا أطيب كعكة بترونية بأهضم فرن؟

صبح ومسا، كعكة ما بتنتسى بمحمل إسمو كعكة بترونية قاعد بنص سوق البترون العتيق وناطركن على قعدة كتير مهضومة ومكنكنة.

هالمحل صرلو أكتر من ٣ شهور عم بقدم أشهى الكعكات بسوق البترون، ومعروف أكتر شي بالعجينة الطرية، السخنة، وأكيد الطازة يلي بقدمها! يمكن أطيب شي فيكن تتدوقوا هالصيفية.

بتجي الكعكة محشية بطعمات تقليدية مميزة متل الجبنة والجمبون مع الجبنة، بس ضروري تجربوا عندو كعكة البيتزا والساب مارين أو كعكة الجبنة بالسجق لترويقة غير شكل وبتشهي، وكمان عندن كعكة نوتيلا إذا عبالكن شي طيب وحلو.

مش رح تلاقوا متلو! ومش بس هيك، فيكن تختاروا تكونوا عم تاكلوا كعكة سادة، أو كعكة الطفولة على بيكون. في شي أطيب من عجينة هشة محشية بيكون مع القهوة الصبح أو فنجان عصير.

بالنسبة للأسعار فهيي بتبلش ب2$ وبتوصل ل7$ حسب الحشوة يلي بتنقوها. القعدة ولا ألذ بسوق البترون، بتقعدوا على الطاولة برا وبتوصلكن الكعكة على صنية قش مع شوية خضرا وكل لقمة أطيب من التانية ومحشية بأطيب المكونات.

العنوان: سوق البترون
الرقم: 103 310 81

شوفوا كمان، ٣٣ محل كوكتيل فريش لازم تجربوهن بلبنان.