أبرز المهرجانات الصيفية هالويك-اند بلبنان

في أحلى من المهرجانات الصيفية؟ لتنبسطوا بعطلة ويك-اند مميزة مع العيلة أو الأصحاب، رح نخبركن عن أبرز المهرجانات اللي عم تصير هيدي الويك-اند حول لبنان. 

1. Pawsitive Event عرض الحيوانات بضيبه

عطلة أسبوع مع حيوانات أليفة لابسين ألبسة لطيفة وعم بعيشوا أحلى أوقاتهم؟ نحنا أول الناس. لمحبي ومربي الحيوانات الأليفة، بدكن نخبركن عن عرض كتير مهضوم ولطيف رح يصيز هالويك-اند  بمارينا، ضبيه.

Pawsitive Event هو عرض مشوّق لعشاق الحيوانات، إذا كنتم حابين تتبنوا، أو تتعلموا عن أحدث تقنيات التدريب، أو تشاركوا معن بمسابقاتن. اتأكدوا إنكن تدلعوا حيوانكن الأليف بحلويات آمنة وإكسسوارات رائعة ليفرح فيها من الكيوسكات!

هالفعالية اللي رح تستمر ليومين رح بتصير بـ ٥ و ٦ تموز، من الساعة ٤ بعد الظهر لحتى ١٠ بالليل. لحتى تشتروا التذاكر أو تسجلوا بالمسابقات، اضغطوا هون! 

2. مهرجان دير الحرف، دير الحرف

زوروا الساحة العام بدير حرف وانبسطوا بمهرجان شعبي مميز! المهرجان هالويك-اند من 5 حتى 7 تموز من الساعة 4 المسا حتى الساعة 1 الصبح، ورح يتضمن أنشطة وألعاب وأكل طيب ووقت ممتع كتير. 

3. مهرجان Street Festival الدامور  

سمعتوا عن مهرجان الدامور اللي رح مبلش من تاريخ 4 تموز لغاية 7 تموز؟ 

هيد المهرجان وعدنا بيوميات كتير حلوة ومليانة فعاليات وأمور بتفرح الكل. من عروض فنية مميزة لمغنيين ولفرق لبنانيين وفرق للولاد لأكل طيب كتير من كل أصناف المطبخ اللبناني والعالمي، كمان في معارض حرف يدوية رائعة وأكسسوارات. في كيسوسكات بتعرض فيه كل شي تقريبا من المونة اللبنانية لأكل بيتي لحتى تحف كتير حلوة.

  للمزيد من المعلومات عن المهرجان، قدّروا تدقوا ع الرقم 420 004 81.

4. Batroun International Festival، البترون

مهرجان البترون الدولي مبلش هالويك-اند، ورح يضل من 5 تموز حتى 8 أيلول من الساعة 5 المسا حتى الساعة 12 بالليل.

هيدا الأسبوع رح بيكون مهرجان النبيد، البيرة، والأكل البحري ع مينا البترون ورح يضم فعاليات، حفلات موسيقية، وأنشطة ممتعة لكل الأعمار! شوفوا باقي برنامج المهرجان هون: 

شوفوا كمان، أهم حفلات شهر تموز لصيف ٢٠٢٤ بلبنان!