قرية مائية مليانة ألعاب للزغار وصلت على نص بحر أنفه

بعدها الصيفية ولعانة بلبنان وبعد ما شفتو شي، من بعد ما وصلت الألعاب المائية بنص البحر عند Florida Beach Hotel،وصلت هلق عند Marina del Sol وناطرينكن مع ولادكن لتعيشوا مغامرة مميزة.

البحر بمنطقة أنفه معروف إنو نضيف ورايق وبعيد عن العجقة والتلوث، أما البسين عند منتجع مارينا ديل سول بأنفه أولمبي وبسلي، بس هلق صار فيكن تسبحوا وتلعبوا وتمرحوا بنص البحر بقلب الألعاب بقلب المي.

شو هيدي القرية المائية؟ مشروع قرية عبارة عن قرية مائية بنص البحر فيها زحليطات وألعاب مائية مسلية أو trampoline و غيرها من الألعاب المائية المجنونة يلي ما بتساع بالبيسين قد ما كبيرة وضخمة.هيدي مغامرة متكاملة لكل أفراد العيلة. الولاد رح يكيفوا بهالقرية المائية العملاقة، ويقدروا يمرحوا لساعات بهيك مساحة آمنة ومراقبة من فريق عمل محترف.

عنجد الألعاب المائية هني متل قرية بتفوتوا عليها وبتضيعوا بقلبها قد ما كبيرة وأكيد الفريق رح يهتموا فيكن.

غير هيك، عند مارينا ديل سول رح بتلاقوا مطعم وشاليهات وملاعب تينس وبيعطوا كمان دروس بالغطس لكل الأعمار…. يعني شي فخم على الآخر لمحبي المغامرات والبحر والمي.

مارينا ديل سول بيفتح كل يوم من ال 8 الصبح لل 8 بالليل.

سعر الدخولية على الشط:

15$ للكبار
10$ للزغار كل إيام الأسبوع.

سعر الدخولية على الألعاب المائية:

10$ على الشخص لكل النهار

للمزيد من المعلومات، اتصلوا بمارينا ديل سول على 466 331 03

ولتعرفوا قدي أسعار الدخولية على باقي الشطوط بمنطقة أنفه شكا والهري اكبسوا على هالرابط.

شوفوا كمان، ٩ منتجعات مائية خرج ضهرة مع العيلة بلبنان