أجمل ٧ بيوت ضيافة مخباية بلبنان

شو في أحلى من إنكن تعيشوا هالصيفية رحلة فريدة ومميزة؟ حضرنالكن ليستا من أفضل الجواهر مخباية بلبنان، بتقدملكن ملاذات هادية ومناظر طبيعية بتاخد العقل لرحلة رايقة و رومانسية. تعرفوا معنا ع أجمل ٧ بيوت ضيافة مخباية تجربوها هالصيف بلبنان.

1. فيلا بوتانيكا، جبيل

هالقصر الخيالي بقلب منطقة إده بيقدملكن تجربة بيشبه ريف توسكانة الإيطالية بسحر الطّبيعة الخلاّبة. عدا عن الفيلا الرومانسية والواسعة، الجنينة فيها مسبح وأماكن مميزة لتفرشوا السفرة أو تعملوا بيكنيك!

هالفيلا بتستقبل لحد 12 ضيف، وبتطلّ عالجنينة، عندن بلكونات خاصة وتراسات. إذا حابين تحجزوا، اكبسوا هون.

2. Martinos Getaway، البترون

بيت ضيافة على طراز ميكونوس و الوجهة الصيفية المثالية، بألوانه الناصعة بالابيض والازرق المتناسقين مع الطبيعة حوله. غيرو جو بالمناظر الخيالية، والحلو انو بعيد بس 15 دقيقة عن السوق القديم.

الملاذ بيطل على جنينة ومنظر للجبال، وأحلى شي هو الجاكوزي الخارجي الخاص. للحجوزات، اكبسوا هون!

3 . Ito’s Crib، تنورين

هالمطرح الرائع كأنه طالع من فيلم. شو بخلي هالجوهرة بتنورين فريدة من نوعها هو المسبح الطبيعي، المغمور بالحديقة الرائعة تبعن. بتكمل مع قعدة برّا سواء ع الكراسي أو ع المراجيح المعلّقة، المساحة الخارجية كتير حلوة لدرجة انك رح تبقى كذا يوم.

بس لما تقرروا تفوتوا لجوا بالليل، الفيلا مزينة بالديكور تقليدي و نقشات بتمثّل التراث. للحجوزات، فيكن تحكوا معن على إنستغرام.

4. بيت تراد، كفور

أناقة عصرية انجمعت مع تراث لبناني! بيت طراد هو تجربة ثقافية ع قد ما هو مكان هادي لتهربوا من ضغط الحياة. إذا كنتوا عم تدوروا تستأجروا البيت كله، غرفة وحدة، أو بس تمرقوا لتاكلوا شي سريع، هيدا المطرح بيفتح بابه لضيوفه ليقدملكن هروب فريد بمنطقة كفور.

بأيام الصيف، فيكن تطلعوا لبرا وتنبسطوا بنهاركن على مسابحن السحرية، اللي محاطة بساحة وتراس خيالي. للمزيد من المعلومات، فيكن تشوفوا صفحتهن على إنستغرام.

الرقم: 242 414 70

5. سيزان، ضبيه

بيت تراثي عمرو 200 سنة اتحوّل لبيوت ضيافة، ومطعم، ومكان فيه مسبح. سيزان بمجّد سحر بروفانس الفرنسية، وبقدملكن تجربة مميزة جوّا وبرا. مطعمن بيجمع بين المأكولات الفرنسية والمتوسطية، وبتناسب كتير مع تشكيلة من مشروباتن.

يلي بيحبوا يهربوا من ضجة المدينة ويستمتعوا بسحر بروفانس، رح يعشقوا هالواحة الخضرا بضبيه.

الرقم: 944 441 71

6. Caim، تنورين

كايم مكان مميز بعيد ومخبى بين جبال ميروبا الصخرية. هيدا المكان الرائع هو المثالي للناس يلي بدها تقضي عطلة من الأحلام. كل زاوية بالفيلا بتطل على منظر خاص فيها، سواء كانوا الشجر الأخضر أو الجبال الصخرية.

الفيلا منعزلة بالكامل عن العالم. هيك بتكونوا جاهزين لرحلة هادية بالطبيعة الجبلية. للحجز، اضغطوا هون.

الرقم: 494 649 81

7. Chez Juliette، قلعيات

عند Chez Juliette رح تعيشوا تجربة لبنانية أصيلة! هالبيت التراثي بيعطيكن لمحة عن تاريخ المنطقة، مجهز بالكامل بديكور تقليدي مشان تعيشوا تجربة جبلية رومانسية.

رح تكون جنينتن مكانكن المفضل لتقضوا فيه وقتكن، خاصة على الترويقة. مقدمة من منتجاتهن البيتوتية، متل المناقيش، الكعك، اللبنة، المكدوس، وخبز طازة.

الرقم: 662 585 03

خبرونا، أي بيت من هل بيوت ضيافة مخباية بلبنان رح تختاروا؟