مطعم على شكل جزيرة بنص المي بقلب لبنان

اليوم رح نعرفكن على محل أكيد بعد مش زايرينو من قبل والغريب بالموضوع إنو مش آخد حقو ولا الشهرة يلي بيستاهلها، هالمحل هوي عبارة عن مطعم قاعد بصخرة على شكل جزيرة بقلب المي: برج الفيدار.

بتفوتوا على المطعم على طريق جسر معلق بقلب المي وبس تصيروا جوا بتشوفوا البحر كلو تحتكن وإنتو كأنكن قاعدين بقلب جزيرة.

الغريب إنو هيدا المطعم عمرو فوق ال 40 سنة ويعتبر من التراث اللبناني إن كان من ورا موقعو أو شكلو أو أكلو الطيب بس مش الكل بيعرف عنو بعد. وهلق بالصيفية ما في أجمل من القعدة بالبحر بهيك طقس حلو وعنجد القعدة بتفرفح القلب بهالمطعم.

غير هيك، الأكل لبناني مية بالمية وبيفتح النفس على الأكل اللبناني والفريش وكمان من البحر دغري بيجي على صحنكن من سمك وثمار البحر وأكيد مختلف أصناف المازة اللبنانية وبحضر كل شي على الأصول مع صحن فواكة بس تخلصوا أكل.

تخايلوا أكل طيب ومنظر غروب الشمس الرومانسي وصوت الموج عم يروح ويجي، أديه حلو؟

هالمطعم كتير خرج قعدة مع أصحاب أو عيلة بنمظر بياخد العقل وخرج صور لتروحوا تكزدروا مع الولاد بمحل حلو وغريب بنفس الوقت.

العنوان: الفيدار، جبيل
الرقم: 008 607 03