بيت الضيافة الجديد بالبترون رح ياخدكن رحلة ع بحر إيجه!

إكتشفوا بيت مارتينوس الجديد، وهوي بيت ضيافة مميز كتير قاعد بمنطقة داريا بالبترون. بيتميز بيت الضيافة بطرازو المعماري اليوناني الساحر بيطغي علي اللون الأبيض وشبابيك ملونة رح تخليكن تحسوا حالكن عنجد وصلتوا على جزر ميكونوس اليونانية!

أول ما تفوتوا على بيت مارتينوس، رح يلفت نظركن البيسين الأبيض يلي بقلبو طبقات. مي البيسين زرقا صافية بتعكس لون السما، وبتعطي منظر وكأنو قطعة من بحر إيجه عم تلمع قدامكن.

ما ح تكمل القعدة ب هالفيلا من غير ما تشوفوا درج حلزوني كتير حلو بيوصل بين الطوابق. كمان في قعدة كتير حلوة برا بين الورد والزهر للاستمتاع بالهوا.

القعدة على البلكون رح تسرق قلبكن! خاصة وقت مغيب الشمس، المنظر من الفرندا بصير لوحة فنية ولا أجمل من هيك.

تخايلوا حالكن عم تاكلوا ألذ وأطيب ترويقة لبنانية تقليدية كل يوم الصبح مع هالقعدة بقلب البيسين. هالتجربة الفريدة رح تاخدكن على عالم تاني، ورح تصير ذكرى حلوة كتير لازم تتشاركوها مع حدا كتير بتحبوا.

بيت مارتينوس في كل شي ممكن تحتاجوه لعطلة مميزة. في 4 أوض نوم كتير واسعة، وأوضة فيها مكتب زغير، وحمامين، وأوضتين قعدة وحدة فيهن فيها لعبة بيبي فوت، بيسين أبيض بساع حوالي 5 اشخاص، وطلة حلوة على الجبل. كمان في مطبخ مجهز بالكامل ومكان خاص للشوي.

تخايلوا حالكن قاعدين بقلب هالبيسين مع حبيبكن. فتاني مرة عبالكن تهربوا من المباني والعجقة بالمدينة، توجهوا على هيدا البيت الممتع واستمتعوا بوقت رومانسي عالآخر.