١٠ شغلات بتصير كل سنة ع عيد الأضحى بلبنان

بما انو اليوم عيد الأضحى المبارك، حبينا نعيّدكن ع طريقتنا هالسنة. مشوا نخبركن عن ١٠ شغلات بتصير كل سنة ع عيد الأضحى ب لبنان!

ولتعرفوا وين فيكن تضهروا ع عيد الأضحى حول لبنان، شوفوا دليلنا هون بكل الأنشطة الحلوة.

1. عطول في حدن بالعيلة عامل عجقة قبل العيد 

حاطط  زينة “حج مبرور وسعي مشكور” من مدري قديه، وما بقي نخلة إلا ما علّقوها

2. من قبل بليلة بتبلش المعايدات ع الواتساب 

3. إمّكن عاجقيتها من الصبح، معمول وضيافة و زيارات عائلية 

4. مننطر لنشرب ميّة زمزم  وتمر من السعودية مناطرة

5. الكل بدو يعرف شو طلعلو هدية من الحجاج

وكلنا منتذكر هدايا أيام زمان كيف كانت

6. والولاد كل همن العيدية 

وكل واحد بيصير يعد مصرياتو وأديه صار مجمّع بالعيد

7. وفي اللي همو يدبح خروف العيد

8.عطول فيه منافسة مين تيابو العيد الأحلى بالعيلة

وكل همّن يفرجوا تياب العيد

9. بتقعدوا بتسمعوا لقصص الحجاج بالسعودية، شو عملوا ولوين راحو

10. بتسلّموا ع ناس أوّل مرة بتشوفوهن بحياتكن قال هني قرايب

ما بتشوفوهن إلا وقت عيد الأضحى وعيد الفطر والأفراح

خبرونا، وانتو شو بتعرفوا عن عيد الأضحى ب لبنان

وينعاد ع الكل بالصحة والعافية!

شوفوا كمان، 

دليلكن لأبرز ١٣ مهرجان حول لبنان لصيف ٢٠٢٤

تعرفوا معنا على أهم حفلات صيف 2024 بلبنان!