مطعم فرنسي وبيت ضيافة مع بيسين بياخد العقل بضبيه: جنة زغيرة بلبنان

اليوم رح نعرفكن على مشروع مميز كتير بيشبه جنة زغيرة على الأرض، سيزان Cezanne بيت ضيافة وقطعة سما عالأرض مألفة من عدة غرف، وفيكن تبقوا فيها وقت ما بدكن.

هلق هالمحل مش بس بيت ضيافة هوي كمان مطعم فرنسي بقدملكن كل الأكلات الفرنسية يلي بتحبوها من أطيب الأطباق يلي خرج قعدة رومانسية متل السلطات والستيك والسومو وأكيد مع الحلو الفرنسي والمشروبات الباردة والدافية حسب ما عبالكن.

هالمطعم بيتميز بقعدة رومانسية بين الطاولات البيض والكراسي الحمر وبياخدكن على الريف الفرنسي من دون ما تبعدوا كتير عن بيروت.

موجود هيدا المكان بمنطقة ضبيه، وهوي مجهز بالكامل مع بيسين سباحة، مطعم، بار بحضرلكن أطيب الكوكتيلات الصيفية المنعشة، وغرف على كافة أنواعها وفي حتى تخوت شمس بتناسب شخصين لقعدة رومانسية، وينن العشاق؟

بيت حجر بيتميز بشبابيك زرق وسقف قرميد جايبلكن الأجواء الريفية التقليدية بلمسة عصرية، عندن بيسين السباحة جران حجر داير من دار على جنب واحد كأنو المنظر بريف فرنسا والشجر حول البيسين من الجهة التانية بترجعكن عطبيعتنا الحلوة بجبل لبنان.

فيكن تختارو إنو تقضوا ليلة كاملة بالبيوت الحجر، أو بس تجوا تسبحوا، تحضروا غروب الشمس وتاكلوا لقمة بالمطعم.

فإذا شي مرة جايي عبالكن تهربوا من المباني والعجقة ببيروت من دون ما تسوقوا مسافات طويلة، توجهوا على هيدا الملاذ الفريد الممتع واستمتعوا بعطلة نهاية الأسبوع بجو من الهدوء الريفي واللحظات الحميمة وخدوا أجمل الصور التذكارية وعملوا ذكريات ما بتنتسى.

العنوان: ضبيه
الرقم: 944 441 71

شوفوا كمان، ٥ مطاعم فرنسية لازم تجربوها بلبنان.