تعرفوا على ١٠ infinity pools لازم تزوروهن بقلب لبنان!

عبالكن نطلع نقضي وقت غير شكل مع منظر بطير العقل؟ ما بتكمل الصيفية من دون مشوار على البيسين بس كيف إذا كان هالبيسين infinity pool وبيتمتع بمنظر خيالي. خلونا اليوم نتعرف على أجمل المحلات لي عندن infinity pool لازم تزوروهن بقلب لبنان.

١. بيوت غلبون، غلبون

من أجمل بيوت الضيافة لي ممكن تزوروها بلبنان، بين الشجر والوديان بالجبل، ومألف من عدة بيوت حجر. عندن قعدة بيسين بترد الروح وهوي متل ما منقلوا infinity pool، وبيكشف على منظر الوديان على مد عينكن والنظر.

الرقم: 666 771 76

٢. لا كابان، حريصا

عبارة عن محل خاص لتحتفلوا في بحفلاتكن ومناسباتكن، وعندن infinity pool كتير حلو محاط بالشجر وبيكشف على منظر خليج جونية كلو من فوق، البحر مفتوح كلو قدامكن لتاخدوا أجمل صور لإلكن بالمي والبحر وراكن.

الرقم: 030 623 81

٣. Blue Jay Valley، جزين

عبارة عن بيت ضيافة قاعد بضيعة جزين، بيكشف على منظر الجبل كلو، غير هيك عندن بيسين كتير حلو بيكشف على الشجر والجبال. بتجوا تقضوا يومين حلوين بالطبيعة وتنسوا همومكن.

الرقم: 088 880 78

٤. كانوبيه Canopée Hotel، برمانا

عندن شاليهات مهضومة، بيسين بقلب الطبيعة، مطعم وبار للكوكتيل والمشروب، ومحل لتتمشوا ومكان لمشاهدة النجوم. المنظر من البسين على الجبال متل الحلم!

الرقم: 022 023 76

٥. Domaine des Oliviers، البترون

عبارة عن بيت ضيافة وقعدة تراثية لبنانية وهالبيت هوي بيت ضيافة وvenue أعراس لكل مين عبالوا يحتفل بعرسو على طريقتو الخاصة. عندن كمان بيسين infinity pool بطل على أجمل منظر وبباخدكن على عالم تاني.

الرقم: 521 111 71

٦. سكابا، عجلتون

هالمنتجع منعزل عن العالم كلو وهوي عبارة عن مجموعة بيوت قاعدين بالطبيعة مع مطعم وسبا خاص، رح تشعروا بهالمحل بالفخامة لي ما كنتو متوقعين تلاقوها بلبنان. غير هيك، أجمل شي ممكن تشوفوا عينكن هوي البيسين بقلب الغابة لي بطل على مناظر خلابة بتخليكن تدللوا حالكن.

الرقم: 070 106 70

٧. Cherry Blossom Boutique Hotel، بحمدون

بتعيشوا بهالبوتيك أوتيل تجربة جبلية ساحرة، بيت قرميد قاعد بين الخضار والشجر وبخليكن تتمتعوا بقدر كبير من الرواق والجمال. فيكن تقصدوا بس كرمال تزوروا البيسين لي عندن لي هوي عبارة عن infinity pool بطل على أجمل منظر ممكن تشوفوا.

الرقم: 770 129 71

٨. Rocca Island، الهري

عبارة عن مجموعة مسابح زغار حد بعض لكل مين عبالوا يعيش مغامرة غريبة شوي، بتنقوا تقعدوا بواحد من مسابح وبتتفرجوا على منظر البحر تحتكن والجبال قبالكن. فيكن كمان تاكلوا بالمطعم عندن إنتو وعم تغطسوا إجريكن بالمي.

الرقم: 444 714 81

٩. Le Montagnou، كفردبيان

عبارة عن مطعم يعتبر الملاذ الأمين من هموم وعجقة المدينة، قاعد بالجبل وبطل على أجمل منظر ممكن تتخايلوا وخاصةً وقت مغيب الشمس. عندو بيسين infinity لكل مين عبالوا يبلش نهاروا صح وعلى رواق وبمحل كتير حلو وبعيد شوي عن العالم.

الرقم: 441 341 03

١٠. Warwick Palm Beach Hotel، عين المريسة

عندن بيسين على سطح الأوتيل بياخد العقل، عم تتخايلوا المنظر من فوق، رح تحسوا حالكن قاعدين فوق الغيوم مع منظر على البحر بخلي قلبكن يدق. بتجوا بترخوها بالميات وبتنسوا هموم الدني.

الرقم: 122 395 01

شوفوا كمان، ه من أجمل بيوت الضيافة ببرمانا والمتين.