٥ من أجمل بيوت الضيافة ببرمانا والمتين

اليوم مشوارنا على تنين من أجمل ضيع المتن، المتين وبرمانا لنتعرف على ٥ من أجمل بيوت الضيافة بالمنطقة لقعدة صيفية بترد الروح.

برمانا

١. The Gem House

عبارة عن بيت ضيافة حجر عندو قعدة ضيعة مميزة مع عفش متل تبع بيوت الضيعة، محاط بالشجر والورد وحتى عندو قعدة تراس بتريح الأعصاب وخرج هيك سردة بعد الضهر وفنجان قهوة على رواق، النومة عندو بترد الروح مع هالبرودات.

الرقم: 335 089 70

٢. Pineville

مشروع رح ياخدكن على علم تاني، قاعد بقلب غابة الصنوبر ومش بس هيك عندو قعدة جاكوزي حد شجر الصنوبر. كل البيوت مجهزين بكل شي ممكن تعتازوا وبيتمتعوا بفيو ولا أروع من هيك على غابة الصنوبر. وشو يعني استرخاء بدون جاكوزي متل هيدا؟

الرقم: 736 363 71

المتين

٣. بيت جدي

هالبيت رح يسحركن بتفاصيلو الزغيرة: كراسي الخيزران، الشبابيك، القناطر، الورود، الفرندا، قعدة القش، الكراسي الملونة، والمنظر الحلو. وهيدا البيت كمان عندو كافي وبوتيك وبنظموا أحياناً نشاطات ثقافية. بتفيقوا على الهوا النقي وبتتوجهوا على التراس لتبلشوا نهاركن بفنجان قهوة.

الرقم: 603 296 04

٤. بريز بانغالو Breeze Bungalow

مهرب آمن لكل حدا عبالو يهرب من العجقة والضجة، بهالمحل ناطرتكن مناظر جبلية من الأحلام وترويقة بكير وجلسة مهضومة مع الهوايات على الخفيف مطرح ما فيكن تشربوا قهوة وتتمتعوا بالهوا الطلق. أكيد فيكن تعيشوا الرومانسية على المراجيح وبفي القش والشجر!

الرقم: 990 125 76

٥. The Venue Garden Guesthouse

بيت حجر محاط بالطبيعة الحلوة والشجر وهوي venue أعراس كمان. القعدة عندو جبلية بتتميز بالجو نقي ومناظر بتاخد العقل. القعدة كتير مريحة وبتكشف على مناظر الطبيعة وأجمل شي فنجان القهوة مع منظر المغيب من هالمحل والنومة مع هالبرودات الحلوين يلي بعيدة عن العالم.

الرقم: 421 855 70

شوفوا كمان، ١١ مبارح خرافية لتشوفوا مغيب الشمس من الجبل.