٧ ماركات بوظة لبنانية مية بالمية!

في شي أطيب من البوظة؟ أكيد ولا شي أطيب بس في قسم كبير منا بحب البوظة بالعلبة ولي بتجي بالقرون ومجلدة، لقمة بوظة مسقعة عم وتتمرمغ بالتم لأطيب كباية بوظة معرمة بالطعمات لقرون المتلجين والسوربي.

لهيك حبينا اليوم نعرفكن على ٩ ماركات بوظة لبنانية مية بالمية.

١. Choco Doux Bisous

لكل محبي البوظة هالمحل بيعمل سوربي وقرون بوظة مع طعمة مميزة وبتلاقوا عندو كمان بوظة على مختلف الطعمات. المصنع بزحلة وبوزع على كل لبنان، طعمة البوظة قوية بس خفيفة بنفس الوقت رح بتحبوها كتير.

الرقم: 666 807 08

٢. كورتينا

كلنا ربينا على بوظة كورتينا وكلنا منتذكر البوظة “ع سيارة” والكورني بحليب” و”الكباية ع كراميل” وال “appolo”، المعمل بوزع على كل لبنان الطعمة عندو ما تغيرت من سنين وسنين وأكيد ما في شي تغير.

الرقم: 872 691 01

٣. بونجوس

من أشهر مصانع البوظة بلبنان، معروف بالكباية على شوكولا وحليب وفريز والسندويش الشوكولا المحشية بوظة على حليب.  غير هيك، الكورني البوظة لي عندو كتير لذيذ ين والعلب كمان.

الرقم: 200 891 01

٤. Danway Iceberg

آيس كريم الطفولة، كلنا كنا مغرومين بالكورني لي بيعملوا على مختلف الطعمات وحتى عندن طعمات لايت لكل مين ما عبالوا يتقل كتير. بتاكلوا كل طعمات البوظة لي بتحبوها لي معمولة من تشكيلة مميزة ومحلاية بمكونات طبيعية وفواكة.

الرقم: 872 691 01

٥. Boozalb

بتميلوا عند هالمحل وبتستمتعوا بأطيب شي بالدني! عدا عن البوظة الفريش والإختراعات الطيبة، هالمطرح مشهور بأطيب قرون المقدمة على مختلف أنواع الفواكة الطيبة!

برمانا: 307 309 79
جميزة: 880 805 71
نقاش: 118 124 81

٦. الرملاوي، الباشورة

البوظة عندو طبيعية مية بالمية ومعكولة من مواد طبيعية وبتشهي قد ما طيبة وفريش، جربوا عندو قرون السوربي على مختلف طعمات الفواكة والشوكولا وعلى قشطا كمان.

الرقم: 676 507 71

٧. دولسي

المعروف بهل مصنع إنو بيعمل اختراعات مميزة بالبوظة وبيعمل قصص كتير طيبة بتاكلو صابيعكن وراها. نقو بين القرون والكورني أو الكبايات المحشية طعمات وإضافات مميزة.

الرقم: 444 470 05

شوفوا كمان، اختراع بشق القلب والروح: فتة ورد جوري.