مين ما بيحب يشوف مغيب الشمس مع الحبيب بكل رواق وحميمية؟ تجربة حلوة بالربيع والصيفية من جهة وكمان رومانسية من جهة تانية! اليوم رح نخبركن عن ٩ مطارح بيقدموا تجربة مغيب الشمس الرومانسية بلبنان لحتى تجربوها مع الشريك.
١. سي لاونج Se by Ocean Blue، جبيل
عبارة عن مطعم ساحر قاعد على شط جبيل، منظر مغيب الشمس عندن رح ياخدكن لغير عالم. فيكن تختاروا تقعدوا على الطاولات الخشب على البحر دغري أو بقلب القعدة المأززة مع حبيبكن أو حبيبتكن.
الرقم: 333 111 81
٢. The Bevview، بسكنتا
مطعم وبانغالو ومكان لتشوفوا منو المغيب من الجبل، القعدة مهضومة وبسيطة والأكل طيب ومليء. بتحضروا المغيب وبتشوفوا لما السما تغير ألوانها وتعكس الألوان على الجبال والوديان، بصير المنظر متل شي لوحة فنية.
الرقم: 976 623 03
٣. The Terrace، حريصا
قاعد فوق خليج جونية من فوق وبقدم أكل ومشروب حسب طلبكن، بس ما في أجمل من القعدة عندو وقت غياب الشمس لأن بتشوفوا أجمل لوحة فنية مرسومة خلف البحر. بتقعدوا مع الحبيب، بتتبادلوا نظرات حب.
الرقم: 400 934 70
٤. Lavender Getaway، كفرقطرا
ما في أجمل من منظر مغيب الشمس مع برودات حلوين وشوية رومانسية، هالجو الحلو والبسيط بتلاقوا عند هالمحل يلي قاعد بالجبل. عندن مراجيح وقعدات ملونة خرج تصوير ومناسب لكل مين عم بنبش على محل يهرب علي مع الشخص يلي بحبو وقت مغيب الشمس.
الرقم: 066 927 81
٥. The Sunland، غسطا
مش بس فيكن تشوفوا المغيب، رح فيكن تقعدوا لحالكن وتنسوا الدني كلا. قاعد فوق البحر وبطل على خليج جونية، بتنبسطوا عند هالمحل بالرومانسية وبتتأملوا مغيب الشمس مع كاسة مشروب وموسيقى.
الرقم: 081 001 81
بيشبه بيوت سانتوريني العتيقة، قاعد على البحر ورح يخليكن تحسوا بجو الصيفية الساحر، المغيب من هالنقطة استثنائي بحسسكن بالرومانسية بالقرب من البحر.
الرقم: 596 999 70
٧. Olen Bar، ساحل علما
هالمحل بطيركن على الغيوم وبياخدكن على حلم بعيد، وبتتفرجوا منو على أجمل منظر لخليج جونية مع حبيبكن، بتاكلوا لقمة طيبة وبتشربوا شي على الخفيف.
الرقم: 955 911 76
٨. Frozen Cherry، الزعرور
مين بحب الجبل كتير؟ هيدا المحل عبارة عن قعدة بالهوا الطلق رح تخليكن تسرحوا بأفكاركن لبعيد وتعيشوا لحظات رومانسية، أجمل شي منظر مغيب الشمس من هالنقطة هي والشمس عم تغزل خيوطها الدهبية.
الرقم: 225 661 71
٩. Haven The Cabin، جبيل
القعدة عند هالمحل بتشبه حكايات الخيال، لكل مين عبالوا ينعزل عن العالم وما حدا يعرف عنو شي هالمحل هوي المكان المثالي. فيكن تختاروا تقعدوا برا أو جوا بس بالحالتين المنظر رح يحركن. بترتاحوا وبترخوا أعصابكن على الآخر ع فنجان قهوة، وفوق هيك التجربة رومانسية كتير!
الرقم: 157 576 76
شوفوا كمان، ضيعة الفخار والتراث اللبناني: من أجمل ضيع الجنوب!