شوفوا هال-٩ بيوت ضيافة مع جاكوزي!

عبالكن تقضوا ليلة من العمر بمحل بعيد عن العجقة والضجة؟ بيت ضيافة مع جاكوزي أكتر من مجرد وجهة سياحية بموسم الربيع! الجاكوزي ملاذنا الأمين بعيد عن عجقة الحياة والمدينة. لهيك اليوم رح ناخدكن مشوار على ٩ بيوت ضيافة مع جاكوزي وقعدة ساحرة.

١. كاسادار، عنايا

بيت ضيافة مخبى بين الجبال والوديان، القعدة عندو رح تاخدكن على عالم الأحلام، عندن بيسين جواني بطل على أجمل منظر، حمام روماني وجاكوزي دافي مع منظر طبيعي ساحر لكل حدا عبالوا شوية رومانسية وحب.

الرقم: 059 019 03

٢. بيوفيليا، الأشرفية

شقة حلوة مفروشة بطريقة ساحرة، البيت رح يخليكن تستمتعوا بلحظات رومانسية على الآخر، التخت مغطى بالبرادي متل حكايات الخيال وفيكن تستمتعوا بقعدة الجاكوزي حد التخت وتسترخوا على الآخر. وفيكن كمان ترجعوا تقعدوا برا على البلكون، عنجد بتحسوا حالكن ببالي.

الرقم: 911 70195

٣. سكابا، عجلتون

عبارة عن بيت مخبى بين الجبال والطبيعة. في بيسين رائع بقلب الغابة وجاكوزي ومطعم وسبا مميز لكل مين عبالوا ينعزل عن العالم شوي ويعيش كم يوم حلوين.

الرقم: 070 106 70

٤. بيت تحوم، البترون

هالبيت الحجر ناطركن لتقضوا وقت مميز بالبترون، وشو في أحلى من إنكن تقعدوا حد البحر وتناموا بأوضة قزاز بتطل على البحر؟ عامل ديكور كتير مميز، قزاز وحجر وبيسينات، وجاكوزي، ومراجيح بتحسوا حالكن ببلد تاني. النومة بتريحكن وبتخليكن تنسوا كل المشاكل.

الرقم: 386 555 76

٥. Pineville، برمانا

عبارة عن مشروع مألف من 5 بانغالوز قاعدين بين شجر الصنوبر ببرمانا ومجهزين بكل شي من الصونا للقعدة برا وأحلى شي الجاكوزي لي قاعد برا مع منظر طبيعي ساحر.

الرقم: 736 363 71

٦. Glamping Lebanon، مغدوشة

عبارة عن بيت خشب مألف من طابقين، الطابق الأول للنوم والتاني في قعدة مهضومة بتطل على الجبال والوديان. أحلى شي ممكن تستمتعوا في، الجاكوزي بقلب الطبيعة لتعيشوا الفخامة على الآخر. وأكيد ولا أجمل من هيك إنو تفيقوا على منظر الشمس عم تطلع من ورا الجبل.

الرقم: 707 157 70

٧. The Lost Cabin، الفوارة

إذا عبالكن تناموا بربوع الطبيعة، تعو قضوا ليلة من العمر عند هالبيت المميز القاعد بالطبيعة، عندو جاكوزي بطل على أجمل الوديان والجبال والنومة بقلب بيت حجر جبلي مميزة.

الرقم: 221 102 70

٨. شويتا كابين، ميروبا

عبارة عن بيت مميز مطرح ما الطبيعة بتغمر الشجر بالإضافة لوجود محل مخصص للشوي بالطبيعة ومراجيح وجاكوزي. فيكن تقضوا أحلى وقت بهالبيت ويلي حابب بس يرخيها وما يعمل شي، هل محل هوي المكان المناسب!

الرقم: 324 320 81

٩. بيت خوري، كفرعبيدا

عبارة عن بيت حجر قرميد بطل على البحر، بيطغي علي اللون الأبيض والستيل الغجري، كتير حلوة النومة هون بتخليكن تحسوا حالكن سافرتوا على محل بعيد. أجمل قعدة بتكون بس تقعدوا بالجاكوزي وترتاحوا وتسرحوا بأفكاركن لبعيد.

الرقم: 948 408 71

شوفوا كمان، ٦ بيوت ضيافة وأوتيلات بتاخد العقل بالبترون.