١٣ شغلة ما رح يفهمها إلا ولاد الضيعة

إذا انتو ربيتوا بالضيعة، هالمقال إلكن! خلونا نخبركن عن ١٣ شغلة ما رح يفهمها إلا ولاد الضيعة

1. ما في أطيب من المناقيش عالصاج من فرن الضيعة

من تحت إيدان الفراّن اللي صرلو سنين فاتح بالضيعة، وبتتذكروا وجّو من زغركن.

^{الصورة مأخوذة من lebanoninapicture.com.}

2. قعدة ع البلكونة بالضيعةبتسوى مية قعدة ع بلكونة ب بيروت

بتذكروا القعدة بالجنينة أو حت العريشة، والرواق من الصبح

3. مجرد ما ترجع ع الضيعة بتصير تحكي ضيعاوي

وبتصير اللهجة أتقل مع العيلة

4.بتحتاج أيام لتأكد الضهرة مع أصحابك ببيروت

صحابك من بيروت لهيدي اللحظة ما فهموا قديش بيكون صعب تروح وترجع من بيروت ع الضيعة.

5. بتسمع “ابن/بنت مين؟” مليون مرة

يا إما هيك يا إما كل العالم بالضيعة بيعرفوك وبس بيقولولك “سلّملي عالبابا”

6. كانت الطلعة ع الدكانة أحلى شي من وقت ما كنتوا زغار

كنا نجيب كمشة من البزر بأقل من 1000 ل.ل. ونتلذذ فيها نحنا وراجعين ع البيت… أيام الزمن الجميل.

7. مستحيل تنزل ع بيروت شي نهار إلا وما تلتقي بحدا من عندكن من الضيعة

أهل الضيعة لاحقينكن ع بيروت وعنجد أوف شو هالبلد زغير

8. “وين هيي يعني؟ بعيدة عن بيروت؟”

كم مرة بتسمعوها؟

9. “طيب ليش ما بتاخذ فواييه ببيروت؟”

إي لأنو ناقصنا مصاريف، غير هيك في أحلى من رواق الضيعة؟

10. مجرد ما حدا يطلع بيعرف ضيعتكن، يعني عندو مية سؤال

“بشو معروفة ضيعتكن؟ بتعرفوا حدا من بيت حمود؟ هلق هي وين بالزبط وحد شو”

11. الصبحية بالضيعة مكون من قهوة، فيروز، وهوا نضيف بالجنينة مع أخبار الجيران

12. صعبة كتير يجوا أصحابكن من بيروت ع الضيعة زيارة

وبحال إجوا بتعملوا عرس ع شوي

13. قصص تيتا وجدو “ع أيامنا” كانت جزء أساسي من طفولتكن

وصرنا حافظين

خبرونا انتو ولاد الضيعة ولا ربيتوا بالمدينة؟

شوفوا كمان، ١٠ شغلات بيعملها كل لبناني لما يسافر سياحة لبرا