مشوار على أجمل مطاعم برمانا!

الحياة مش حلوة بلا أكل طيب. ما حدا بيقدر ينافس اللبناني على نفسوا بالأكل وذوقو الحلو. برمانا هيي مثال حقيقي لهل شي، لهيك لقينا أجمل المطاعم ببرمانا لي جايبلكن تجربة فريدة ومميزة.

١. منير

يعتبر من الكلاسيكيات اللبنانية ببرمانا. بيقصدوا العيل والأصحاب على مدار السنة بسبب جودة الخدمة والأجواء البسيطة والمريحة لي بقدمها. بحضر المطعم تشكيلة واسعة من الأطباق اللبنانية التقليدية يلي رح تحسسكن بالدفا والراحة مع قعدة ومنظر جبلي ممتاز على التراس.

الرقم: 900 873 04

٢. قصر فخر الدين

بوفر تجربة طعام فاخرة بقلب برمانا. بيتميز المطعم بأجوائو الراقية وتصميمو الأنيق الجواني والبراني، هل شي بخلي الخيار المثالي للمناسبات الخاصة والاحتفالات وغدوات نهار الأحد. بقدم المطعم مجموعة متنوعة من الأطباق العالمية واللبنانية بجودة عالية.

الرقم: 387 961 24

٣. ميديتيرانيو

ميديتيرانيو وجهة ممتازة لمحبي المأكولات البحرية والبحر متوسطية بالمنطقة. بيتميز المطعم بأجوائو الهادية والمريحة يلي بتشبه الأجواء اليونانية، مناسب لموعد غرامي أو لسهرة رومانسية.

الرقم: 295 200 03

٤. فرينش كانتين

بقدم تجربة طعام فرنسية أصيلة بقلب برمانا. بيتميز بأجوائو الدافية الودية القريبة من القلب، بحضر مجموعة متنوعة من الأطباق الفرنسية الشهية يلي رح تحسسكن بالحب والرومانسية ومن أهمها طبق الستيك على الطريقة الفرنسية.

الرقم: 188 145 03

٥. مشروع كافي

مشروع كافي المكان المثالي للاستمتاع بفنجان قهوة طازة ولقمة خفيفة بجو هادي ومريح. الورد معبى المكان والشجر بفيي الطاولات وهوي موجود على مدخل أوتيل تراثي ببرمانا. بقدم المطعم تشكيلة واسعة من الأصناف اللذيذة يلي بتناسب جميع الأذواق.

الرقم: 444 090 76

٦. Appetito Trattoria

جايبلكن روما على قلب برمانا، القعدة مش بس بتشبع البطن والنظر كمان بين الطاولات الخشب والشراشف البيض والحمر. بيتميز المطعم بأجوائو الحميمة والدافية، وبقدم مجموعة متنوعة من الأطباق الإيطالية الشهية بجودة عالية.

الرقم: 500 568 03

٧. بو إميل

يعتبر وجهة ممتازة لمحبي المأكولات العربية واللبنانية ببرمانا. بيتميز المطعم بأجوائو الحلوة والأسعار المعقولة، القعدة عندو برا بتشرح القلب قد ما حلوة وفريش والمقاعد ملونين بيشبهوا ألوان الصيفية.

الرقم: 222 265 71

٨. لا بريتزا

بقدم تجربة إيطالية أصيلة ببرمانا. بيتميز بأجوائو الحميمة والطليانية، وبحضر مجموعة متنوعة من البيتزا الشهية والأطباق الإيطالية الكلاسيكية متل الباستا والبوراتا مع قعدة مكنكنة ورومانسية.

الرقم: 814 491 03

شوفوا كمان، ١٠ مطاعم قاعدة بالهوا الطلق بلبنان.