مهرجان عيد الفطر بطرابلس: نشاطات وعروض موسيقية وأكل طيب

رجع رجع مهرجان Street Festival على الشارع وهالمرة ولعانة كتير! محضرلنا مفاجآت ما بتخلص.

بلش مهرجان عيد الفطر بشوارع طرابلس بمعرض رشيد كرامي، وبلشت الإحتفالات يلي بتفرفح القلب من نهار التنين 8 نيسان ورح تستمر لنهار الأحد 14 نيسان من الساعة 4 بعد الضهر للساعة 11 المسا.

مش عارفين وين بدكن تعيدوا؟ لكل حدا حابب يغير جو من دون ما يتكلف ثروة هيدا المشروع مناسب لإلكن ولجيبتكن!

شو في بالمهرجان؟ أكيد رح يكون في رقص وموسيقى وغناني ليوم الغناني وألعاب للولاد ونشاطات مسلية!

الولاد عندن حصة كبيرة حتى إنو ميني ستوديو عندن مسرحية رمضانية مميزة للولاد نهار الأربعا ١٠ الشهر بيتخللها مفاجآت مهضومة للولاد.

المفاجأة الأكبر رح يكون في حفل موسيقي ضخم مع الفنان الكبير “طوني كيوان” نهار الخميس 11 الشهر على الساعة 8 المسا لتعيدوا مع الأهل والأصحاب على المزبوط بأجواء مميزة وولعانة.

لتكمل فرحتكن، كيف ما رح تبرموا رح تحسوا بسحر رمضان حواليكن وألوان العيد والمصابيح والطقس الحلو وأكيد فيكن تاكلوا بهل أجواء بمطاعم السوق أو تبوردوا وتشربوا عصير فريش أو بوظة.

هالعيد الأكل عطول الطريق! كيوسكات ومطاعم أكل وشرب من أكل الشارع والأكل اللبناني وكمان الأجنبي، كلو ناطركن مناطرة. بتتمشوا بقلب المهرجان وبتنبسطوا بفقرات تسلية لكل الأعمار مع حفلات موسيقى لايف، عروضات فنية، معارض، منتجات ومونة لبنانية لأكتر من عشرات المشاريع المحلية.

ولعانة بطرابلس هل كم يوم!

الدخولية

الكبار: 000 200 ليرة
الزغار(تحت 10 سنين): 000 100. ليرة

للمزيد من المعلومات اتصلوا على 420 004 81.

شوفوا كمان، أنواع الأشخاص يلي بتلتقوا فيهن بالسوق بلبنان