جربوا البوظة ع فحم وبوظة ع بوشار عند هالمحل بلبنان!

حزروا شو؟ اكتشفنا محل بيعمل اختراعات غريبة عجيبة بالبوظة: بوظة ع فحم وبوظة ع بوشار!

هالمحل إسمو ميستيكا بعاليه عندو كروسان، بيتي فور، حلو عربي، دوناتس، بيعمل كريب، كوكتيلات وعصير وبوظة كمان!

هيدا المحل معروف بنكهات حلو كتير غريبة، ومنها الكروسان ع بوظة ميري كريم وبوظة ع فحم وحتى ع بوشار.

بوظة ميري كريم ع فحم مع فريز منظرها غريب، يمكن الخلطة غريبة شوي بس مبينة بتشهي: بتجربوها؟

مش بس هيك بيعملوا كمان بوظة ع بوشار مع كاراميل شكلها غريب بس بشهي ونحنا كتير عبالنا نجرب كل نكهاتن الغريبة من باب الفضول.

عند مستيكا كمان نوع حلو ما بتلاقوا غير عندن لي هوي حلو “المحلاية” ضروري تجربوها بتجي مع مكسرات وكريما على الوج، في منا على فريز وعلى ليمون وعلى شوكولا.

كمان بيعملوا برغر ع بوظة، ميني برغر زغار محشيين بوظة، وكمان عندو كل الطعمات الكلاسيكية بالبوظة يلي بتستحلوها متل الشوكولا والفريز والفواكة بس أكيد لي بميزوا عن غير محلات إنو كل شي طبيعي وفريش على الآخر.

شو رأيكن بتجربوا هالإختراعات؟

لتعرفوا أكتر عن هل محل اتصلوا على 621 557 05

شوفوا كمان، عارفين صار في بيتزا الستيك عند هالمحل ببيروت!