تجربة محل “ب لبن” المصرية صارت ع الطريقة اللبنانية، شوفوا هون!

صار فيكن تعيشوا تجربة “ب لبن” المصرية عناّ بلبنان و ع الطريقة اللبنانية. لا، محل بلبن ما فتح عنا بعد، بس لقينا محل جديد بالجناح بيروت بيقدم تجربة شهية وشبيهة، بس ع اللبناني! خلونا نعرفكن على محل الحلويات “باللبن” بالفودي لاند. 

قبل فترة، نزّل محل الآيس كريم والحلويات المصري الشهير “ب لبن” طبق حلويات كسّر الدني بمصر وما بقي حدا إلا ما جربوا وحبّو، اسمو هالحلو “كشري بلبن”! وهو عبارة عن طبقة كشري حلو مش مالح، مع رز بحليب، شعيرية، كريمة القشطة، و إضافات شهية من شوكولا، حلويات، فواكة، وصوصات مختلفة متل الشكولا البيضا أو الفستق. وهالمحل معروف انو بيعمل حلويات من منتجات الألبان وبأبدع فيها!

هلق محل الحلويات “حلو باللبن” بيقدملكن هالتجربة بس ع طريقتو، وهالشي بيميزو عن البراند المصري. بيقدملكن حلو القشطوطة الشهير بنكهات لبنانية الأصل، وهو أكتر طبق حلو محبوب عندو، وللصراحة شكلو بيشهي. 

بيعمل “الكشري بلبن” بس كمان بطريقتو، من طبقة بقلاوة، لوتس، نوتيلا، بغطسها باللبن والشوكولا والصوصات الشهية. وأكيد إنتو بتختارو الإضافات اللي عبالكن متل المانجا، الفريز، الأوريو، الفستق، وغيرها. 

وكمان البوظة اللي مغمورة باللوتس والشوكولا البيضا والفستق مع صوصات، بتجربوها؟ 

فكرة المحل مهضومة وحلو انو صار عنّا هيك تجربة بلبنان! المحل بيفتح من الساعة ٤ ل ٥:٣٠ بعد الضهر، وبعدها من الساعة ٧ للساعة ٣ الصبح. 

شوفوا كمان، بوظة زنود الست…ألذ بوظة لشهر رمضان!