عارفين صار في بيتزا بالستيك عند هالمحل ببيروت!

كل يوم في شي أكلة جديدة ومجنونة بتطلع عالسوشال ميديا وعلى قائمات المطاعم بلبنان!

فكرنا حالنا شفنا كل شي، من بيتزا برغر لبيتزا كعكة، بس هلق في أكلة مهضومة رح تعجب خاطركن: يلي بحب البيتزا وقرقشتها ويلي بحب الستيك ومرونتها صار في يدوق أطيب اختراع بيجمع التنين سوا، عبارة عن فيليه ستيك بيتزا من بيتزا باتزي بمار الياس، بيروت!

هالبيتزا ولا أطيب من هيك بتتقدم مع صوص معها لتحطوها على أطراف العجينة يلي عادةً ما مناكلن لأن منلاقيهن ناشفين.

بيتزا ستيك مكونة من عجينة بيتزا وبتطلع من الفرن دهبية ومقرمشة. فوق هالعجينة بتلاقوا شرايح لحمة ستيك رقيقة و كتير طرية ومتبلة بطريقة خاصة من مطعم بيتزا باتزي. معن كمان بصل مشوي وفلفل حلو وكمشة جبنة موزاريلا بتخليها تكون خلطة كتير مميزة. كل هالمكونات بتعطي البيتزا طعمة كتير لذيذة وغريبة بنفس الوقت.

المحل بس بيعمل ديلفري وعندن بيتزا small، medium وlarge والأسعار معقولة.

عندن كمان أنواع كتيرة من البيتزا متل: المارغريتا، البيبيروني، الvegeterian، الهاواي، البيتزا اللبنانية، البيتزا بسجق، البيتزا على fahita، البيتزا التندوري وكتير غيرن وهلق برمضان عاملين عروضات على أكتر من صنف!

شو رأيكن؟ رح تجربوا البيتزا بالستيك ولا رح تخلوا الموضوع يمرق؟

العنوان: مار الياس، بيروت
الرقم: 233 077 81

شوفوا كمان، “شو بقوص؟”: تعرفوا على البرغر يلي ب-150$ بلبنان.