وين اختفت كارين رزق الله؟

شو صار؟ وين اختفت كارين رزق الله؟ صاحبة مسلسل قلبي دق، غابت عن الساحة وصرلها فترة طويلة! وكنا كل رمضان مننطرها مناطرة وهلق لأن قرب رمضان حبينا نشوف شو القصة. هل اعتزلت الكتابة؟

لا! كارين ما اعتزلت، بس الظروف صعبة. بحسب حوار لإلها مع جريدة الشرق الأوسط، قالت: “الأزمات لي مرقنا فيها بلبنان، من الثورة، للأزمة الاقتصادية، للكورونا، لانفجار بيروت، كلها أثرت علي كتير، وفقدت قدرتي على الكتابة. ما قدرت أفصل حالي عن اللي حواليي، وإكتب شي ما إلو علاقة بالواقع. أنا من الناس لي ما بيقدروا ينفصلوا عن محيطن، فما بكتب غير إشيا من الواقع.”

قدي هالشي بفرجي إنو كارين حدا إنساني كتير وعندها عضق لبلدها ولكل شي في.

بس الحمدالله، كارين رجعت جاهزة للكتابة، ورح نشوفوها قريباً بمسلسل جديد بحسب بعد التصريحات الصحافية!

صراحة لازم كارين ترجع عالشاشة! ما حدا بيقدر يعبي محلها. كل يوم منشوف فيديوهات قلبي دق، وما بنشبع من هالمسلسل ومنرجع منحضر الإعادة من فترة لفترة ومنضحك من قلبنا. مسلسلات كارين… قصة، حوار، تمثيل، إخراج، كل شي متكامل. كارين مبدعة، ما بدنا تغيب عن الشاشة.

وموعودين بمسلسل جديد لكارين على شاشة الLBC مع كلوديا مرشليان. كارين صرحت للصحافة عن العمل، وبحسب شو قالت رح يجهز قريباً.

شو رأيكن؟ إنتو كمان اشتقتوا لمسلسلات كارين رزق الله؟

شوفوا كمان، شوفوا معنا ٥٢ متل لبناني مهضوم عن شهر آدار!