٥ من أطيب المطاعم على طريق المطار ببيروت!

أكلات سريعة ومحلات لطيفة، زيدوا عليهن أطباق الكومبو والحلويات وبتعرفوا ليش لازم تجربوا هال ٥ مطاعم بخلدة على طريق المطار.

١. ويلا

مطعم ما صرلوا زمان فاتح على طريق المطار عم بقدم الأطباق الغربية لي بحبوها الولاد وجميع أصناف المازة اللبنانية وبحضر أطيب الحلويات. بس تقعدوا بضيفوكن شوربة عدس أول لقمة لكل الزوار وعندن كمان كبة مع دهن ومتبل بزري وفلالفل بايتز من اختراعات المطعم. مش بس هيك، المطعم عندو محل مخصص للولاد مليان ألعاب ترفيهية وتلسية لتتهنوا بلقمتكن هني والولاد عم يسرحوا وينبسطوا.

الرقم: 444 409 03

٢. قرية الساحة

من المطاعم التراثية اللبنانية لي ممكن تلاقوها على طريق المطار. هوي على شكل قصر عتيق من حجر، عندو قعدة إيام زمان يعني برجعكن لوقت لي كانت الليرة تحكي وبينقلكن لإيام جدودنا. بقدم أطباق السفرة اللبنانية البيتوتية من المازة المتنوعة للمشاوي لفنجان القهوة بعد الأكل.

الرقم: 909 450 01

٣. باموس غريل أند دينو Bamo’s Grill & Diner

عند هالمحل ما تفكروا لا بالرجيم ولا بالسعرات الحرارية، خلي بطنكن لي يفكر. عبارة عن مطعم مهضوم بقدم مأكولات سريعة متل البرغر على طعمات مختلفة وسندويشات محشية بطاطا بتقرقش قرش ودجاج كريسبي وقصص لذيذة كتير من الأصابع الجبنة المقلية وغرين كتير لكل مين بيعشق الفاست فود.

الرقم: 805 205 81

٤. قريدس

هالمطعم المهضوم إسم عمسمى، عم بقدم أطيب الأطباق البحرية من القريدس للسمك المشوي والمقلي للكالاماري، كل شي طازة ومحضر مع أطيب التتبيلات والخلطات. فيكن تتغدوا هونيك أو حتى بس تطلبوا طلبية وتفلوا.

الرقم: 855 815 05

٥. مطعم الناي

هالمطعم مش بس بقدملكن تجربة أكل مميزة بس كمان مشهور بحفلاتو وسهراتو المسلية بكل الأوقات. وما تنسوا تجربوا عندو الأطباق الكبيرة متل صنية السي فود العملاقة لي بتجي مع مختلف الصوصات المجنونة يلي ما بيتفوت إنتوا وعم تحكوا وتسولفوا.

الرقم: 097 814 05

شوفوا كمان، لقينا أتقل بيتزا وأطول لفة بلبنان عند هالمحل!