١٠ شغلات بيعملوها التيتا والجدو بالشتوية بلبنان!

القعدة عندن ببساطتها بتسوى كل الدني، خلونا نشوف يوميات التيتا والجدو بالشتوية بلبنان ونسترجع أحلى ذكرياتنا معن.

١. بولعوا الستوف الصبح وبيغلوا علي بريق شاي وبيشووا كستنا

٢. كل يوم بفيق الجدو بكير وبروح بجيب مناقيش لو حتى تحت الشتي وبيقعد بيتروق مع التيتا

^{Credits: A7la Balad Lebnen}

٣. أكيد عندن نملية بختبي فيها التيتا كل مونة الصيفية والأكل الطيب

٤. كل يوم الصبح بقشر الجدو كليمونتين وبيعمل عصير ليمون

^{Credits: A7la Balad Lebnen}

٥. بيشربوا فنجان قهوة على العصرونية وبيتحلوا بسكويت ماري مع راحة

٦. وعشية بيشووا بطاطا على الستوف هني وعم يحضروا الأخبار

^{Credits: A7la Balad Lebnen}

٧. بيرجعوا بيعملوا بريق زهورات وكعك قبل ما يناموا هني وعم يحضروا مسلسل تركي

^{Credits: A7la Balad Lebnen}

٨. بناموا بالحرامات الشتوية وبفيقوا ٥ الصبح قبل ما يطلع الضو

٩. بيلعبوا ورق بقلب الصالون حد الصوبيا بالنهارات

^{Credits: A7la Balad Lebnen}

١٠. التيتا بتطلع بتسقي الزريعة وجدوا بيطلع يجيب حطب للستوف

^{Credits: A7la Balad Lebnen}

خبرونا بالكومانتس إذا نسينا شي خبرية!

قصص بيعملوها الأهل اللبنانيي بس تشتي الدني شوفوا كمان،