قضوا أحلى كريسماس ببيروت بهل-١١ مطرح

بما انو خبرناكن عن أجمل المهرجانات للميلاد، قررنا اليوم ناخدكن على بيروت! وكلنا منعرف أديه العاصمة بتجنن أجوائها بهالشهر، كرمال هيك رح ناخكن على 11 مطرح لتقضوا أجمل كريسماس ببيروت مع العيلة أو الأصحاب!

1. سموشكيز، مار ميخايل

بتعرفوا إنو SmushKies عم بيقدموا قهوة مجانية طول شهر كانون الأول؟ كونوا عندن من الساعة 8 الصبح حتى الساعة 12 الضهر، وجربوا قهوتن الشهية.

الرقم: 352 444 01

2. سوق الطيب، مار ميخايل

انضموا لسوق العيد عند سوق الطيب! عيشوا جو مليان بهدايا الكريسماس، الاشغال اليدوية، التحف، الكتب، والأكل الطيب.

3. مونز، جميزة

عدا عن كوكيز الميلاد وبوش دو نويل الشهية، Moon’s بيقدمولكن منيو من المشروبات الساخنة والطيبة لتستمتعوا فيها خلال موسم الأعياد.

4. HUE O1، الأشرفية

اذا في شي منحبو بموسم الأعياد هي العروضات الحلوة، فكيف إذا كانت عروضات أكل؟ مطعم HueO1 عامل عرض مميز، مع كل برغر أو سندويشة بتطلبوها بيقدمولكن وينغر بافلو أو باربكيو. 

5. Community Badaro، بدارو

هالمطرح عامل شي مهضوم، تعو لابسين أبشع كنزة للكريسماس عندكن بالخزانة، وبيطلعلكن هدية!

الرقم: 322 622 81

6. Steampunk، الأشرفية

جو الميلاد مفرفح كتير عند Steampunk! حضروا أفلام الكريسماس كلاسيكية مع حلويات الميلاد شهية عندن! 

الرقم: 761 465 71

7. صاج ستوريز، جميزة

إنضموا لورشة فنية وطيبة بتتضمن تزيين كوكيز وحلويات الميلاد عند هالمحل، كمان بيتفننوا بالصاج بطريقة شهية!

الرقم: 586 566 01

8. فيل اند ويل، جميزة

فيل أند ويل بالجميزة محضرين سناك بيشهي بس بديسمبر، لحقوهن قبل ما يخلص الشهر! 

الرقم: 869 185 76 

9. Kitchen Lab، الأشرفية

ورشات روعة لتعليم الطبخ وصنع حلويات الميلاد عند هالمحل!

الرقم: 884 790 81

10. Neighbourhood، الجميزة

ما بيكمل الكريسماس من دون الشوكولا السخنة، جربوا طعم الكاكاو الدايب، مع المارشميلو وأطيب المكونات عند هالكافيه المهضوم!

الرقم: 184 446 01

11. سنترو مول، جناح

سنترو مول بيضم نشاطات روعة مع أكبر سوق هالكريسماس. مساحة كاملة للعب والبسط والتسلية والعروض المشوقة وكيوسك الأكل وأكتر!

خبرونا، رح بتقضوا كريسماس ببيروت؟

شوفوا كمان، هيك أسعار البوش عند هل أشهر المحلات بلبنان!