٦ من أحلى مطاعم كفردبيان للشتوية

محضرين حالكن لموسم الشتوية والتلوج؟ كفردبيان من أجمل المناطق الجبلية بلبنان بالشتي، مكللة بالتلوج بأيام السقعة والبرود وفيها أفضل مراكز التزلج. خلونا نروح مشوار على 6 من أطيب مطاعم كفردبيان للشتوية! 

1. جنينة الخواجة

واحد من أطيب مطاعم كفردبيان اللبنانية. أطباق دافية، مازة سخنة، قعدة جنب الشاميني، ومنظر جبلي خلاب ناطركن عند جنينة الخواجة تحديداً بفقرا!

الرقم: 568 444 76 

2. Les Caves Faqra

قعدة كهف جنب الشاميني وعشا رومانسي بين وورود حمر لإلكن وللشريك عند هالمطعم. 

بتجربوا جبنة فوندو دايبة مع أطباق لحمة ونبيد أحمر مع جو كلو دفى وكنكنة هي وعم تتلج الدني برا. 

الرقم: 418 894 03

3. Le Montagnou

إنبسطوا بعشا فاخر مع أجواء سويسرية عند هالمطعم! جبنة فوندو، ستيك، نبيد، وعندن فيو للجبال بكفردبيان بتاخد العقل. 

الرقم: 441 341 03 

4. مطعم زنهور 

مطعم بيقدم أكلة برغر محرزة ودسمة، مشاوي لبنانية وسناكات طيبة. محل ضروري تجربوا مع رفقاتكن بالمنطقة!

الرقم: 850 144 70  

5. جلسة خوابي

جربوا العرق البلدي مع اللحمة النية والمازة اللبنانية والمشاوي الطيبة مع جاط تبولة غير شكل! مطعم جلسة خوابي غير شكل للعيلة قبل مشوار تلج بكفردبيان. 

الرقم: 332 554 03

6. عند شاكر

إستمتعوا بقعدة تراثية ومكنكنة جنب صوبا الحطب عند شاكر! بيعملوا أكل بيتوتي ولقمة مليانة دفى بكفردبيان!

الرقم: 800 341 29 – 046 771 03 

خبرونا، شو بعد بتعرفوا ومجربين من مطاعم كفردبيان؟ 

شوفوا كمان، ٤ من أطيب مطاعم الفالوغة للشتوية