٨ محلات هوت تشوكولات لازم تجربوها بلبنان

إجت الشتوية وبلش الطقس يبرد على المزبوط وصار وقت الدفا والكنكنة، ولأن ما في شي بدفينا قد فنجان الهوت تشوكولات السخن والطيب، لهيك رح نخبركن اليوم عن ٨ محلات هوت تشوكولات لازم تجربوها بلبنان.

١. يونيكورن كافي Unicorn Coffee House، برمانا

مزين بشجرة الميلاد والأضوية وكل ألوان العيد وفوقن شرشف زغير لتحطوا عليكن إذا بردتوا. بتطلبوا أطيب هوت تشوكولات مع مارش مالو ع الوج وقطعة حلو وبتعيشوا كنكنة العيد على الآخر كأنكن بشي فيلم هوليوود.

الرقم: 966 822 71

٢. نايبرهود Neighborhood، الجميزة

محل زغتور مهضوم بتلاقوا عندو أطيب فنجان هوت تشوكولات مع مارش مالو ع الوج وعندو كمان كل أنواع القهوة والشاي مع قطعة حلو لتدفوا بطنكن وتحلوا ضرسكن مع حدا بتحبوا.

الرقم: 184 446 01

٣. قهوة 3 Elephants، كفرحباب

هالكافيه المهضوم عندو قعدة لذيذة ومكنكنة وبقدم فنجان هوت تشوكولات مع كريما على الوج وكيكات ولا أطيب من هيك. كل شي بينعمل طازة وبيطلع دغري من الفرن على رفوفن، تعوا سمعوا موسيقى العيد وغيروا جو على الآخر!

الرقم: 214 761 76

٤. سيفت Sift، بادارو

قهوة مهضومة خرج قعدة أصحاب بتقدم كل أنواع القهوة والمخبوزات، من الكيك للكرواسون للمعجنات والحلويات وغيرها وأهم شي عندن فنجان الهوت تشوكولات لي بينشرب بهالطقس البرد لتدفوا بطنكن وتحسوا بجو الشتوية.

الرقم: 499 899 71

٥. سكر نبات، عمشيت

استمتعوا بأجمل قعدة ملونة مع فنجان هوت تشوكولات وأطيب كيك، وتسلوا بالألعاب الموجودة بالمحل مع الأصحاب إنتو وعم بتمزمزوا فنجانكن.

الرقم: 679 624 09

٦. بوكس كافي

هالمحل بيتميز بتقديم أطيب فنجان شوكولا سخن مع المارش ميلو بالإضافة لأطيب الحلويات والمخبوزات. القعدة مهضومة ومريحة خرج أصحاب وحبايب رح تخليكن تنسوا همومكن شوي زغيرة.

الفرع الأول: أنطلياس
الفرع التاني: الزعرور
الرقم: 689 396 03

٧. لا ديغوستاريا La Degusteria، بادارو

أكيد عند هالمحل حتضيعوا بالخيارات على قد ما في أنواع ولا أطيب من القهوة والمشروبات والسلطات والحلويات، عندن كمان فنجان هوت تشوكولات ومار شمالو على الوج لعشاق الشوكولا.

الرقم: 328 151 70

٨. تشوكولات بار Chocolate Bar

بيتميز بوجود أطيب أنواع القهوة والحلويات بالإضافة لنكهات مميزة سواء كانت باردة أو سخنة، هالمحل مش بس هيك، بيعمل فنجان هوت تشوكولات مع كريما مميزة وحبات شوكولا أبيض أو أسود على الوج حسب خياركن. رح تحسوا بالدفا من جوات قلبكن!

الضاحية: 718 547 01
الحمرا: 939 747 01
صور: 662 886 70
النبطية: 040 767 07

مع مين عبالكن تشربوا هوت تشوكولات؟ خبرونا بالكومانتس.

شوفوا كمان، وين فيكن تشتروا زينة عيد الميلاد بأسعار حلوة؟.