ما تفوتوا معرض بيروت العربي الدولي للكتاب!

لكل محبي القراية والكتب، في خبربة حلوة هالأسبوع! معرض بيروت العربي الدولي للكتاب بنسخته ال65 رح يبلش إبتداءاً من 23 نوفمبر/تشرين التاني حتى 3 ديسمبر/كانون الأول بمركز سي سايد آرينا ببيروت. خلونا نشوف سوا!

المعرض المحبوب اللي كلنا مننطره كل سنة مناطرة رح بيكون فاتح كل يوم من الساعة  10 الصبح حتى الساعة 9 المسا، خبروا أصحابكن وجهزوا حالكن لمشوار كتير حلو. 

 انضموا لعالم واسع من الكتب والثقافة، إستمتعوا بوقتكن بين الرفوف، إبرموا بين المكتبات ودور النشر، إحضروا تواقيع الكتب، تعرفوا على كتّاب وروائيين، تصفحوا واشتروا كتبكن ورواياتكن وموسوعاتكن المفضلة وأكتر، وانبسطوا بنشاطات حلوة ومتنوعة بتناسب كل الأعمار. وأكيد متل كل سنة الدخول المجاني للمعرض!

Retrieved from Annahar.com

وكمان الولاد عندن حصة كبيرة من المعرض، ناطرن برنامج تعليمي وممتع! بتلاقوا بقلب معرض الكتاب مجموعة رائعة من الفعاليات الترفيهية والتعليمية للصغار لينطلقوا برحلة ممتعة مع الكتب والمعرفة. مسرحيات، ورش تعليمية، قراية قصص أطفال، وغيرها من التسليات ناطرتن! 

خبرونا، مع مين حابين تروحوا على المعرض؟ 

للمزيد من المعلومات، اتصلوا بمنظمين معرض بيروت العربي الدولي للكتاب على الرقم 330 354 01. وكمان فيكن تتصفحوا حسابن على الإنستغرام هون أو موقعن الإلكتروني هون. 

تابعوا آخر الأخبار بقسمنا هون.