١٠ بيوت ضيافة جبلية بحضن كسروان

كسروان منطقة بتتميز بالطبيعة الخلابة، بالجبال والوديان، والغابات والأحراش والمحميات الطبيعية. بتلاقوا بهالمنطقة جواهر مخفية وتجارب مميز على مدار السنة. إذا عبالكن تقضوا كم يوم بكسروان، تعرفوا معنا على 10 بيوت ضيافة جبلية بحضن كسروان.

1. وود هيلز، ميروبا

هالمطرح قاعيد بين صخور وجبال غابة ميروبا، عندو بيوت ضيافة من الشخب بتحسسّكن كأكن سافرتوا على سويسرا!

الرقم: 786 177 76

2. كايم، ميروبا

بيت ضيافة مثالي للعشاق بكسروان. عندو قعدة رومانسية بعيدة عن العالم، وسايل الراحة، قعدة بالغابة، وأحلى المناظر الجبلية.

الرقم: 494 649 81

3. سكينة، فتقا

بيت ضيافة جبلي زغير ومكنكن بين الشجر، كمان عندن مطعم بقعدة دافية ولطيفة.

الرقم: 225 522 70

4. بيت نون، مشمش جبيل

بيت لبناني تراثي عمرو 100 سنة بمشمش جبيل. بتستمتعوا بمناظر خيالية من فوق الجبل، تراسات تحت العريشة، ونومة ببيت الأحلام.

الرقم: 121 272 03

5. بيت طراد، كفور

بيت لبناني من الحجر القديم بيشبه القصور التراثية. بيتميز بالقناطر العالية، الجنينات الحلوة، التراسات الجبلية، والأجواء الرومانسية الساحرة.

الرقم: 242 414 70

6. Casadar، عنّايا

بيت رومانسي بيطل على الطبيعة بعنّايا، عندو جو لطيف بعيد عن العالم مع مسبح داخلي وتخوتة معلّقة بالسقف.

الرقم: 059 019 03

7. Chill Hill Experience، وطى الجوز

تجربة منتجع مميزة بالطبيعة بين بيوت خشب بتستقبلكن بشوبات الصيف وتلجات الشتوية.

الرقم: 458 775 76

8. Perch، فاريا

عبالكن مشوار خريف حلو على فاريا؟ هالبيوت الخشبية ناطرتكن على قعدة بالطبيعة وجو من الرواق بالجبل.

الرقم: 266 552 03

9. Waya Chill Cabin، فيترون

بيت خشب مكنكن ومهضوم لتجربوا مع الشريك. بتشموا ريحة شجر كسروان، بتسهروا تحت النجوم، وبتكنكنوا جنب الدفاية.

الرقم: 262 497 03

10. Beit Mira، لحفد

بيت ملون ومهضوم، قاعد بين الغيوم بحضن كسروان. عندن أكل بيتوتي طيب، وجو موسمي روعة، وقعدات حلوة للرفقة.

الرقم: 575 254 03

خبرونا بالتعليقات، حبيتوا المشوار على أجمل بيوت ضيافة جبلية بحضن كسروان؟

شوفوا كمان، مشوار لطيف على سمار جبيل: ١٠ شغلات فيكن تعملوها