تذكروا معنا الفنانين اللبنانية يلي خسرناهن مؤخراً

بالسنين الأخيرة خسر لبنان وجوه فنية معروفة بسبب سوء الأوضاع وفيروس كورونا وغيرها من الأسباب، بعض الفنانين كان رحيلن مفاجأ والبعض الآخر متوقع بس محزن، خلينا نتذكر أبرز هل وجوه والشخصيات اللبنانية يلي خسرناهن مؤخراً.

١. الياس الرحباني

الملحن والموسيقار الكبير الياس الرحباني رحل من بعد صراع مع فيروس كورونا، خي عاصي ومنصور قدم للبنان أجمل الأغاني والأعمال الفنية من “طير الوروار” و”كان عنا طاحون”، “لحنا السكران”، و”رقصني دخلك يا حبيبي” وغيرها كتير من الأغاني الشهيرة والدعايات والمعزوفات.

٢. جورج الراسي

كلنا فقنا على خبر وفاة جورج الراسي المروع بسبب حادث سير ع وج الصبح وبقينا مصدومين كل النهار وعنجد ما فينا إلا ما نتذكر أجمل أغانيه من “إنت الحب لي خلاني”، لل”الحب المجنون”،” ألبي مات”و”لعيونك حبيبي”.

٣. بيار جاماجيان

من أكتر الممثلين الكوميديي لي ربيوا علي الجيل القديم والجيل الجديد بنفس الوقت، الكل بحبو والكل حافظ أدوارو المميتة ضحك من بيارو ب”المعلمة والأستاذ” لشخصية مقصود ب”عيلة ع فرد ميلة” وغيرها من الأدوار المميزة لي لمع فيها وصارت جزء من ذكرياتنا مع التلفزيون اللبناني.

٤. جان خضير

من أهضم الممثلين اللبنانية لي ربينا علين وكبرنا عم نشوفن على الشاشة الزغيرة وخصوصي على تلفزيون لبنان من “بربر آغا”، ل “أربع مجانين وبس” لل”المعلمة والأستاذ” كل أدوارو مهضومة وطريفة وكان عندو كمان مشاركة لافتة بمسلسل “نساء في العاصفة”.

٥. ميشال تابت

رحل الممثل الكبير والقدير ميشال تابت مع سجل حافل بالمسلسلات اللبنانية من إيام “المعلمة والأستاذ”ل”طالبين القرب”، ل “بربر آغا” و”الطاغية” لمروان نجار وغيرن من أبرز الأعمال الفنية لي انشهرت بالتسعينات وبالألفية، هل ممثل القدير قدم أعمال جوهرية للدراما اللبنانية ومات بعمر 90 سنة بسبب مشاكل صحية.

٦. ناريمان عبود

كلنا نصدمنا على خبر وفاة الفنانة الطيبة ناريمان عبود زوجة الفنان والملحن وسام الأمير بفيروس كورونا بعمر 57 سنة، هل خبر أفجع ولادها وجوزا والجسم الإعلامي كلو بوقتها.

اشتقنالن كتير!

شوفوا كمان، ٢٤ صورة مميزة لضيعة العاقورة.