وصل البق رسمياً على لبنان، شو الإجرائات اللازمة؟

كشف الخبير البيئي ورئيس حزب البيئة العالمي البروفيسور ضومط كامل عن وصول حشرة البق على مناطق متعددة بلبنان، وتحديداً بيروت، جبيل، كسروان، طرابلس، والكورة اللي انتشرت فيها على شكل كبير.

وحسب معلومات قناة الجديد، التغير المناخي والظروف البيئية السيئة بالبلد بتعزز من إنتشار هيدي الحشرة و إنتقالها السريع بين المناطق. وكشف حزب البيئة العالمي عن وضع خطة طارئة لمعالجة هيدي الآفة ورصدها بالمناطق اللبنانية، ومحاولة منع إنتشارها بعد بمكافحتها بالطرق الغير تجارية.

وصول حشرة البقّ الى لبنان… هذه المناطق الأكثر عرضة للخطرhttps://t.co/GMTV000X9c

— Al Jadeed News (@ALJADEEDNEWS) November 3, 2023

والبق عبارة عن حشرة بنية بلا أجنحة، بتتغذى على دم الإنسان والحيوان خصوصي بالليل، وبتسبب التحسس والإحمرار بالجلد، تهيج البشرة، الحكة الشديدة، والتقرحات. ولأنو الحشرة زغيرة بالحجم، من الصعب كشفها والتحكم بإنتشارها. وبالعادة بتنتشر بقلب فرش التخت وبأنحاء البيت، وبتنتقل بشكل كتير سريع لسرعة تكاثرها.

ويبشدد كامل على أهمية إستخدام أحدث المبيدات الحشرية الغير سامة، والغير مسرطنة، وكمان الصديقة للبيئة اللي لازم ترشوها داخل البيت أو بالسيارة لمنع إنتشار البق. وكمان بيأكد انو شراشف التخت والتياب لازم تتعرض للحرارة لمدة 30 دقيقة، وضرورة إستعمال ال Vacuum لتنظيف التخوتة والفرش.

لتعرفوا مزيد من الأخبار، إكبسوا هون.