لأول مرة، مسلسل لبناني رح ينعمل بالتركي!

خبرية حلوة كتير ولأول مرة بلبنان رح يتم تحويل مسلسل لبناني للتركي بالعادة بصير العكس. شو هوي يا ترى هل مسلسل؟ معقول .بعد ما عرفتوا عن أيا مسلسل عم نحكي؟ عم نحكي عن مسلسل للموت الشهير،

مسلسل للموت حقق نجاح كاسح بلبنان وبالعالم العربي لفترة 3 سنين من أول مرة نعرض فيها! وهيدا بسبب قصتو المشوقة وأحداثو لي ما بتوقف وبسبب موهبة الأبطال والممثلين المشاركين بالعمل.

بخبر هل مسلسل عن معاناة سحر وريم بحياتن الماضية لي عانوا الفقر والظلم ولي عاشوا حياة صعبة كتير. فبيتفقوا هونيك نهار يغيروا حياتن كلا ويسرقوا مصاري رجال أغنيا بعد ما قضوا حياتن بالملاجي عم بموتوا من الجوع. وبعد ما تجوزت ريم هادي، بصير في علاقة بينو وبين سحر وهيك بتبلش تتسارع الأحداث.

للموت بطولة ماغي بو غصن، دانييلا رحمة، دوجا حجازي، منير شليطا، ورد الخال، محمد عقيل، محمد الأحمد، مهيار خضور، يامن الحجلي، فايز قزق، ريان حركة، وتأليف، سيناريو وحوار نيفين جابر، وإخراج فيليب أسمر.

وهل خبر نشرو الصحافي اللبناني إيلي مرعب على موقع X إكس (تويتر) وبحسب قولو بعد ما تم اختيار أبطال العمل، رح يكونوا نجوم أتراك ورح يتم تصويرو بتركيا وعرضو على القناة التركية الشهيرة Kanal D سنة 2024.

خطوة عظيمة ونجاح جديد، مسلسل #للموت باللغة التركية وابطال اتراك

تم الاتفاق على تحويل مسلسل #للموت لنسخة تركية (عادة منشوف العكس) اما ابطال العمل رح يكونوا نجوم اتراك ورح يتم التصوير في #تركيا وعرضة عبر Kanal D التركية عام ٢٠٢٤

مين برأيكم رح تلعب دور سحر ودور ريم ؟ 🔥 pic.twitter.com/AckyNTiFP3

— Elie Merheb (@_ElieMerheb) November 1, 2023

مرة جديدة مبروك للبنان ومبروك للدراما اللبنانية والعربية ولكل مين شارك وساهم بنجاح هل عمل الرائع.

شوفوا كمان، أسامي الضيع والمناطق اللبنانية لي ببتبلش ب”عين”.