١٠ شغلات رح تفهمها إذا كنت أكبر ولد بالعيلة بلبنان

الولد الكبير…صحيح لحقوا غنج واهتمام كتير بالأول بس بعدين بلش الجد وبلش التحدي. خلينا نشوف ١٠ مواقف وشغلات رح يفهمها كل ولد كبير خلق بعيلة بلبنان.

١. بتصير إنت مسؤول عن اخواتك الزعار

وصل خيك
جيب إختك من المدرسة
عطيعن مصاري يا ماما خطي

٢. بتصير تعرف كل مشاكل العيلة

ما إنت الكبير ولازم تعرف كل شي

٣. كمان بتصير مسؤول عن تدريس كل إخواتك

وهيك أهلك بوفروا إستاذ من برا

٤. أهلك مشو عليك كل القوانين لأنك الكبير

أكيد كانوا كتير صارمين عليك وغيروا القوانين كلا ع دور إخواتك

٥. عوقتك كان كل شي أصعب

وكنت تترجى أهلك ترجاية ليجيبولك شي شغلة، بقيت سنة لقبلوا يجيبولك تلفون Nokia أبو لمبة وخيك معو أجدد Samsung

٦. كل تيابك بيتجيروا لإخواتك من دون ما حدا ياخد إذنك

كنت تحب هل جاكيت كتير، صارت لإخواتك

٧. بس على الأكيد إنت أكتر حدا بيفهم أهلك وشو عم بفكروا

من دون ما حتى يفتحوا تمن بتفهمن على الطاير

٨. فجأة بتحس حالك إنت البي والإم بس ما يكونوا بالبيت

وبتصير ناطر الكل ليرجع على البيت لتقدر تنام

٩. أهلك عطول كان بدن ياك تكون الأول بالصف

بس ع دور إخواتك معليش مهم يجيبوا المعدل

١٠. صار الكل ناطر إنك تتجوز لأنك الكبير وبضلوا لاحقينك بالمناسبات والأعياد

عقبال ما نفرح منك/ نقشعلك عريس

مين الولد الكبير بالعيلة؟ عملولوا mention بالكومنتس.

شوفوا كمان، من أرشيف الزمن الجميل، ١٤ صورة نادرة للصبوحة!