قعدة رومانسية و مسبح داخلي بهل-٥ مطارح بلبنان

مين عبالو ينبسط بقلب بيسين دافي وداخلي؟ برمنا على منتجعات وبيوت ضيافة ساحرة حول لبنان، ولقينالكن 5 مطارح فيها مسبح داخلي وجو روعة بلبنان لتقضوا كم نهار وليلة غير شكل.

1. Casadar – عنّايا، جبيل

بيت ضيافة على الموديل اللبناني القديم وعندن إطلالة مميزة على البساتين والجبال بعنايا.

بيتميز بمسبح داخلي وخارجي، تخت مرجوحة، وجو لطيف ورايق على الآخر. إذا عم تفتشوا على قعدة رومانسية مع فيو ساحرة للطبيعة، كاسادار ناطركن بتجربة كتير مميزة لإلكن وللشريك. 

الرقم: 059 019 03 

2. Scappa Resort – عجلتون، كسروان

من أروع المنتجعات اللي بتحسسّكن إنكن سافرتوا على جنة إستوائية حتى بعزّ الخريف. مش بس عندو مناظر خيالية للطبيعة الجبلية بكسروان، بس كمان تجربة منتجع مميزة ومتكاملة من قعدات وبيوت وأكل طيب. بتلاقوا عندن مسبح داخلي كتير رومانسي وساحر، ناطركن على جو دافي ومميز.

الرقم: 760 710 29 – 070 106 70  

3. منتجع فرداسيا – دير الزهراني، النبطية

هالمطرح عندو غرف ساحرة بإطلالة مفتوحة على الوادي والجبال. وبتلاقوا مسبح داخلي وخاص بأوضة نوم، مع قعدة مريحة وجو رومانسي ومنظر للطبيعة. 

الرقم: 904 980 71 

4. كاتلبا – بعقلين، الشوف 

هالبيت الضيافة عندو قعدة مودرن وبتصميم فني، بيتميز بمسبح داخلي بأوضة النوم، وجو رومانسي مميز. ومش بس هيك، عندو جنينة ساحرة مليانة خضار وبتطل على مناظر روعة للطبيعة بالشوف. 

الرقم: 089 093 03 

5. Hidden Rooms – برجين، الشوف

فيلا مرتبة بتاخد العقل، فيها جو تراثي وقعدة ملوكية. فيها مسبح داخلي كبير، بتناسب العيل الكبيرة أو جمعات الأصحاب اللي حابين يقضوا وقت خاص وينبسطوا مع بعض بأي موسم من السنة. 

الرقم: 225 721 03 

شوفوا كمان، ١٩ بيت تراثي على الموديل اللبناني القديم