٤ محلات عندن منقوشة خفيفة وصحية بلبنان

من اليوم ورايح صار فيكن تاكلوا منقوشة خفيفة وصحية على المعدة وبكل الطعمات الطيبة لي معودين عليها. اليوم جبنالكن محلات بيعملوا منقوشة لبنانية أصيلة بعجينة صحية لكل حدن عبالو شي خفيف أو عامل دايت.

١. عجينة، صيدا

هل محل عندو مناقيش معمولة بعجينة سمرة طيبة وبتشبع، وفيها كل الألياف لي إنتو بحاجة لإلها. فيكن تطلبوا الطعمة لي عبالكن، جبنة، زعتر، لبنة، لحم بعجين أو حيلا طعمة بتجي عبالكن، وغير هيك القعدة شيك وفيها نفحة من الموديل القديم.

الرقم: 510 732 07

٢َ. زعتر وزيت، كافة الفروعة

مشهور زعتر وزيت بالمناقيش لي بيعملها، بس شي مرة جربتوا المناقيش بالخبز القمحة الكاملة من عندن؟ مناقيشن طازة والخبزة سمرة وطعمتها مميزة، فيكن تطلبوا حيلا طعمة بالخبزة السمرة وحتى البيتزا وتتلذذوا بكل كدشة!

الرقم: 1523

٣. صحي ولذيذ

عجينة المنقوشة لذيذة وطرية، قليلة الدسم وخالية من السكر وبتشكل مصدر غني بالألياف والمكونات لي هني: طحين قمحة كاملة، مي، زيت زيتون، خميرة ورشة ملح. عندن طعمات المنقوشة العادية لي منحبها متل الزعتر والجبنة وأكيد حسب الطلب وفيكن تطلبوا حيلا أكلة من عندن كل شي معمول بطريقة صحية.

للدليفيري: 622 772 70

٤. فرن عبيد، سن الفيل

أشهى وأطيب المناقيش على أنواعها بتلاقوها عند هل فرن المميز. عندو كل الطعمات العادية والمجنونة لي بتحبوها متل الكفتا والزعتر والكوسا، البقلة والقاورما. الأشخاص اللي بيعملوا دايت ما حيعتلوا هم شي عندن لأن هل فرن عامل حسابكن بمنقوشة معمولة من العجين الأسمر. ولا أطيب من هيك مناقيش!

الرقم: 415 481 01

خبرونا بالتعليقات، عبالكن تجربوا منقوشة خفيفة وصحية كمان؟

شوفوا كمان، ٤ محلات بيعملوا حلو الداعوقية بلبنان.