كل يوم عرض، إشتروا أي شي بسعر واحد عند هالمحل

سمعتوا عن محل Daily Deals بالمنصورية أو بعد؟ محل مكسّر الدني بالعروضات، بيعمل كل يوم عرض مميز وبيبيع أي غرض بيخطر عبالكن بنفس السعر لنهار كامل، وكل نهار جديد يعني عرض جديد.

@beirut.com The "anything for one price" concept of DailyDeals caused an immediate upsurge in popularity; especially on fridays when anything is for $1 only! So naturally I had to check it out. #beirut#lebanon#dailydealslebanon#mkalles#shopping#items#fyp ♬ Peru – Fireboy DML

خلونا نخبركن كيف بتكون الأسعار كل الأسبوع، وهيدا العرض بيشمل أي غرض من المحل.

الاثنين: أي غرض بـ 12 دولار

الثلثاء: أي غرض بـ 8 دولار

الأربعاء: أي غرض بـ 5 دولار

الخميس: أي غرض بـ 3 دولار

الجمعة: أي غرض بدولار واحد

السبت: أي غرض بـ 0.5 دولار

الأحد: أي غرض 22 دولار

هيدا المفهوم جديد بالسوق وبخلي الزبون يشتري الغرض اللي بدو ياه من أساسيات من دون كسرة وبأحلى الأسعار. وأد ما تغيرت عندن الأسعار، بتضل العروضات وفيرة ورخيصة، وهيدا شي هني محافظين عليه بالمحل.

ولما نخبركن انو هالمحل عندو كل الأساسيات، يعني كل شي! بتلاقوا غراض البيت، غراض المطبخ، التياب لكل الأعمار، وحتى الإلكترونيات. يعني تخايلوا بتضهروا ومشتريين هوفر أو air fryer النوعية المنيحة ب 22 دولار وأقل! .

Daily Deals مقصد أساسي لكل حدن مجوّز جديد وبدو يجيب غراض لبيتو من دون كسرة، أو حدا نقل على بيت جديد، أو أي شخص حابب يوفر كم ليرة على جيبتو. وصدقونا، ما في أحلى من العروضات والتوفير بهل الأوضاع! لتعرفوا أكتر، شوفوا حسابن على الإنستغرام هون.

شوفوا كمان، هيك أسعار البيتزا عند هل-١١ محل بلبنان

الصورة مأخوذة من ziadeworkgroup على إنستغرام.