من المصمّم جورج حبيقة للعالم…قلعة بعلبك مسرح عالمي للأزياء

بكل فخر إختارت دار جورج حبيقة قلعة بعلبك الأثرية كمنصة لتقديم مجموعتها للأزياء الجاهزة لربيع وصيف 2024. وتم تصوير فيلم فيديو بقلعة بعلبك ونشره على وسائل التواصل الإجتماعي.

هالمجموعة المميزة مستوحاة من إلهة الحب والجمال أفروديت Aphrodite، وترجمت بالتصاميم الأنيقة، والألوان الربيعية، والإبداع الفني والرومانسي.

واجت هالمجموعة على خلفية الاحتفال بالتراث اللبناني خلال أسبوع باريس للموضة.هالعرض المميز هو الأول من نوعه بقلعة بعلبك الأثرية، وتم بالتعاون مع وزارة الثقافة اللبنانية على إعتبار انو قلعة بعلبك هي وحدة من العجائب المعمارية للعالم القديم، وأكبر معبد روماني بالعالم. وكرمال هيك، رح بيتم التبرع بجزء من عائدات مجموعة الأزياء الجاهزة لربيع وصيف 2024 لمركز سرطان الأطفال في لبنان.

دار جورج حبيقة هو أول دار أزياء بيقوم بتحويل قلعة بعلبك لمسرح عالمي للأزياء، وتعتبر لفتة جميلة للتراث اللبناني الغني.

شوفوا كمان، ست عربية وصلت للملايين بصوتها اللي بيشبه صوت فيروز