لقينالكن ٢١ مطعم بحضن الطبيعة حول لبنان

مين بيحب الغدا أو العشا الطيب جنب الشجر والغابات، مع نسمات الجبل، أو على صوت الميّ؟ خلونا ناخدكن برمة على 21 مطعم بحضن الطبيعة حول لبنان.

مطاعم بقلب الغابة:

1. بيت الغابة، بكاسين

مطعم بحضن الطبيعة بغابة الصنوبر بمنطقة بكاسين، مكان رايق وساحر الجمال. وبيقدم أكل لبناني وترويقة غير شكل على منظر الغابة.

الرقم: 222 800 07 – 252 828 78

2. بيت الكابتن، زغرين

مطعم بيت الكابتن بيستقبلكن على قعدة مغمورة بشجر الصنوبر مع غدا لبناني مميز، مطعم روعة للعيلة وعندو مناظر طبيعية خلابة.

الرقم: 867 811 03

3. مطعم و كافيه الأرز، الأرز بشري

مطعم وكافيه قاعد على مدخل غابات الأرز وقريب على دروب المشي، بيقدم ترويقة لبنانية طيبة وغدا مشاوي وكبة جبلية ولحمة نية!

الرقم: 797 448 70

4. مطعم لوس، جزين

مطعم لوس مطعم جبلي ساحر، عندو قعدة تراثية من فوق صنوبر بكاسين ولقمة لبنانية أصيلة.

الرقم: 330 780 07

مطاعم بقلب جنينة خضرة:

5. Biomass Restaurant، جربتا

بيوماس مطعم للعيلة بالهوا الطلق، عندن قعدة جنينة، بوفيه من طبخات لبنانية طيبة، وملاعب للولاد بالطبيعة.

الرقم: 532 532 03

6. مطعم مكان، مار ميخايل

مين قلكن ما فيكن تنبسطوا بقعدة بالطبيعة من قلب بيروت؟ مطعم مكان عندو منيو أكل هندي وقعدة جنينة مغمورة خضار بتحسسّكن كأنكن برات بيروت!

الرقم: 057 954 70

7. مطعم الشمس، عنجر البقاع

مطعم الشمس مطعم بحضن الطبيعة، مشهور بالبقاع باللقمة الطيبة، السفرة الكريمة، وجنيناته الملونة بجمال الطبيعة من ورد وشجر وطبيعة بقاعية.

الرقم: 800 620 81

مطاعم بالطبيعة الجبلية:

8. بلو جاي فالي، جزين

مطعم بيقدم لقمة جزين المميزة على قعدة جبلية غير شكل ومناظر خلابة للطبيعة، وكمان عندن بيوت ضيافة جبلية رومانسية!

الرقم: 088 880 78

9. مطعم كتف الوادي، جرجوع

مطعم تاكي على كتف الوادي، بيقدم لحمة نية جنوبية على مناظر خيالية للغابات.

الرقم: 882 540 03

10. طاولة باكيش، بسكنتا

جربوا لقمة بسكنتا وانبسطوا ببوفيه مفتوح تحت شجر التفاح وعلى مناظر الجبل الخيالية من طاولة باكيش.

الرقم: 060 266 81

11. Root 829، حصرون

مطعم روت بيقدم جو بيتوتي وقعدة ساحرة بالهوا الطلق وتحت شجر الخريف، مع نسمات الهوا الجبلية.

الرقم: 829 000 71

12. مطعم منير، برمانا

مطعم منير بيتميز بالأكل اللبناني على أصوله مع قعدة جنينة ساحر الجمال بالجبل. واحد من أطيب المطاعم الجبلية مع سفرة كريمة وقعدة ملوكية!

الرقم: 900 873 04

13. مطعم جنة الأرز، الأرز

مطعم جنة الأرز قاعد على الجبل مع احلى مناظر جبلية. هالمطرح مميز لجو العيلة والجمعات الكبيرة مع قعدة بالهوا الطلق، ولقمة طيبة من مشاوي ولحمة نية ومازة على أنواعها.

الرقم: 760 743 03

14. بيت الجبل، دير القمر

بيت الجبل مطعم خيالي بيقدملكن لقمة الجبل وقعدة من فوق الوادي. عندو تراس رومانسي وبيوت ضيافة جبلية وبوفيهات مميزة.

الرقم: 767 160 71

مطاعم بالطبيعة جنب الميّ:

15. مطعم شلالات الزرقا، بعقلين

عبالكن غدا رومانسي جنب الشلال؟ مطعم شلالات الزرقا واحد من أجمل مطاعم بعقلين، بيقدم قعدة الأحلام على نهر بعقلين مع أكل لبناني طيب وهوا جبلي برود.

الرقم: 301 560 03

16. أمواج البياضة، الناقورة

عبالكن قعدة من فوق الجبل، تشوفوا منها البحر والسما الصافية؟ مطعم أمواج البياضة بيقدملكن وحدة من أجمل المناظر الطبيعة بالناقورة!

الرقم: 220 522 71

17. مطعم نبع البحصاصة ، حاصبيا

هالمطعم بيقدم قعدة على النبع وطواحين الميّ، تراس مع فيو روعة بين الشجر، وجو تراثي مميز.

الرقم: 000 553 07 – 778 777 70

18. مطعم وادي شمسين، برالياس

مطعم وادي شمسين بيقدملكن لقمة البقاع على أصولها، مع أجمل مناظر سهل البقاع، تراسات فوق النهر، وجنينات خضرة.

الرقم: 377 677 81

مطاعم بالطبيعة الريفية:

19. Little Reed، قصيبة المتن

ليتل ريد بيت ضيعة بيستقبلكن على بوفيهات مميزة بحضن الطبيعة وأجمل أجواء ريفية للعيلة بالمتن.

الرقم: 300 007 76

20. مطعم زهرتوني، القبيات

مطعم زهرتوني مخبى بضيعة القبيات، معروف بتقديم الباستا الإيطالية بطريقتو البيتوتية، وكمان بقعدتو بحضن طبيعة الضيعة اللي بتناسب العيل.

الرقم: 844 469 81

21. كروب، الكورة

لقمة طازة من المزرعة وجو ريفي مميز ناطركن عند كروب بالكورة، وكمان بيعملوا بوفيهات غير شكل.

الرقم: 090 159 03

شوفوا كمان، ٢٥ مطرح مميز تجربوهن بكل منطقة بلبنان