وأخيراً، محل Krispy Kreme راجع على لبنان!

أحلى خبر وصل لكل محبي الدوناتس، محل Krispy Kreme المحبوب رح يرجع يفتح قريباً بلبنان، وهيدا بعد تسكير دام أكتر من 10 سنين!

سكر محل كرسبي كريم Krispy Kreme بسنة ال 2013 بسبب الأوضاع الإقتصادية وقتها، ولحقتو بعدها عدد من المحلات العالمية مثل كوستا Costa، هارديز Hardees، وكمان Signor Sassi.

وهلق صار فينا نرجع نجرب الدوناتس الشهية على أصولها من عند Krispy Kreme، وبحال ما جربتوها وقتها، إجت فرصتكن! عندن الدوناتس غير عالم، مغطسة بالصوص الطيبة وأطيب الإضافات والمكونات عالية الجودة.

وللصراحة إجت الخبرية بوقتها الصح! لأنو صار فينا نجرب الدوناتس لكريسبي كريم مع القهوة السخنة الصبحيات، بتطلع غير شكل مع طقس الخريف.

من متحمس لرجعة كريسبي كريم على لبنان؟ لتعرفوا كل التفاصيل وآخر الأخبار عن الإفتتاحية وموقع المحل، تابعوا حسابن على إنستغرام.