٥ بيوت ضيافة بقعدة جنينة ساحرة

مين عبالو وقت حلو بقلب الطبيعة و قعدة بالجنينة تحت فيّ الشجر؟ اليوم رح ناخدكن مشوار حلو على مطارح مميزة بلبنان ونقضي عطلة غير شكل. خلونا نعرفكن على 5 بيوت ضيافة بقعدة جنينة ساحرة.

1. La Maison de Maria، ساحل علما

بيت ماريا عبارة عن بيت ضيافة جايي من الستينات، عندن جو تراثي قديم وأكل بيتوتي. بتلاقوا مخبى عند ماريا حديقة سرية شرحة، وقعدة بالجنينة تحت فيّ الشجر. بتقعدوا على المرجوحة بنص الطبيعة، بتشربوا كباية شاي بتروق الراس، وبتجربوا لقمة بلدية.

الرقم: 644 098 71 – 265 343 70

2. Ito’s Crib، تنورين

بيت ضيافة مناسب للجمعات الكبيرة والعزايم، عندن مساحات خضرة واسعة فوق وادي تنورين. اللي بيميز هالبيت عن غيره انو عندو مسبح طبيعي بقلب الجنينة، بتقدروا تسبحوا فيه وتنبسطوا بالميّ الصافية والباردة، أو ترخوها جنبها تحت فيّ الشجر.

الرقم: 559 884 03

3. Chez Juliette، القليعات

بتلاقوا بين شوارع ضيعة القليعات بيت كسرواني قديم ساحر الجمال وعمرو فوق ال 300 سنة. مخبى داخل هالبيت جنينة خضرة مليانة شجر وورد جبلي، قعدة جنب الورود وترويقة لبنانية طيبة، كيك وحلويات بيتوتية، وجاط مليان فواكة موسمية. بتجتمعوا مع العيلة على غدا طيب تحت الشجر وبالهوا اللطيف، وبتقضوا أحلى الأوقات.

الرقم: 662 585 03

4. أنديرا، كفور 

قصر فاخر وتاريخي بيستقبلكن على قعدة ملوكية وديكور فخم وخدمات مميزة. الحلو بهل مكان انو عندن جنينات مليانة ورد وياسمين، قعدة جنب المسبح بالطبيعة، وقعدات تراس خيالية. مكان مغمور بشجر الصنوبر والبلوط والزيتون، وبيتميز بجو رايق ولطيف.

الرقم: 046 290 03

5. بيت الجبل، دير القمر

بيت الجبل بيقدم تجربة البيت الجبلية التراثية مع جو رومانسي، واحد من أجمل بيوت ضيافة بقعدة جنينة. بتلاقوا غدا بقلب الجنينات، بانيو خاص بالطبيعة، قعدة تراس من فوق الوادي. وكمان عندن مطعم بلقمة جبلية طيبة وبيتزا على الحطب وبوفيهات مميزة.

الرقم: 767 160 71

خبرونا، مين بتعزموا على هل أماكن الساحرة؟

شوفوا كمان، ٦ مطارح خيالية بأعالي جبل صافي بالجنوب